II Samuel 2:4 - Sră Goh 2018

⁴ Gen ală cau Juda lòt tus tòm Hebrôn, mơ tềng hơ̆ bol khai bong mơñà Dabit in lơh gơs bơtau at bồ hìu cau Juda. Tòm tŭ Dabit kơno yal lah ală cau tòm Jabes Galaat neh tơp ƀồc Sol,

II Samuel 2:4 Mawu Ofanana

II Samuel 19:11

Bơtau Dabit sồr cau tus hơ bàr nă cau gơnoar ơn phan duh khoai la Jadôk mơ Abiatha lah: “Lùp tĕ ală cau kwang kra Juda dê lah: ‘Ñchi bơh tài bol mê la cau lồi dut cèng bơtau rê wơl hơ hìu khai dê taih? Jơnau tòmbơhbơr jơh Israel dê neh tus hơ bơtau.

II Samuel 19:42

Jơh ală cau Juda ho cau Israel lah: “Tài bơh cau bơtau la oh mi rềp mơ bol hi. Ñchi bơh tài bol mê gơjrañ bơh bơta hơ̆ taih? Bol hi neh sa phan lơi tòm ală phan neh rcang lòi bơtau in sơl ơ? Bol hi neh tă ai phan lơi să tòm bol hi in sơl ơ?”

II Samuel 2:11

Pah tŭ tơngai Dabit at bồ tòm Hebrôn hơđang hìu cau Juda la poh nam mơ prau kơnhai.

II Samuel 2:7

Gen tàng lơh tĕ pràn kơldang tê bol mê dê mơ khin cha, bơh Sol cau tòm bol mê dê neh chơt, mơ hìu cau Juda neh bong mơñà añ in lơh gơs bơtau at bồ bol khai.”

II Samuel 21:11

Tòm tŭ Dabit kơno cau yal wơl bơh bơta Rispa, kòn ùr Aija, bau cồng Sol dê neh lơh,

II Samuel 21:12

gen khai lòt tus hơ làng bol Jabe tòm Galaat, ai ntìng ƀồc Sol mơ Jônathan, kòn klau Sol dê. (Bol hơ̆ neh cèng òm bol khai bơh Betsan, la tiah cau Philistin yồng bol khai tơnơ̆ mơ tŭ bol khai neh tơnchơt Sol hơđang Gilbôa.)

II Samuel 5:17

Tòm tŭ cau Philistin kơno lah Dabit geh bong mơñà lơh bơtau hơđang Israel, jơh ală cau Philistin guh jòi Dabit, mơya Dabit neh kơno bơta hơ̆ mơ khai mù tus hơ theng kơ̆ cê.

II Samuel 5:3

Behơ̆ jơh ală cau kwang kra Israel neh tus mơ bơtau tòm Hebrôn; mơ bơtau Dabit lơh dô bơta ho bal mơ bol khai tòm Hebrôn di đap Yàng Jehôwa, mơ bol khai bong mơñà Dabit in lơh bơtau hơđang Israel.

II Samuel 5:5

Tòm Hebrôn, Dabit at bồ hơđang Juda poh nam mơ prau kơnhai; mơ tòm Jerusalem khai at bồ hơđang jơh Israel mơ Juda pe jơt pe nam.

II Ală Bơtau 11:12

Gen Jehôyada tơlik kòn bơtau, tơndau sơgơn bơtau hơđang bồ khai, mơ jào sră bơta boh lam khai in; bol khai yal tơnggit mơ bong mơñà khai in lơh gơs bơtau, bol khai tàp tê mơ driau dờng lah: “Bơtau kis gam sùm sùm!”

I Yal Yau 10:11

Tòm tŭ jơh ală cau ơm tòm Jabes Galaat kơno jơh ală bơta mơ cau Philistin neh lơh di Sol,

I Yal Yau 11:3

Behơ̆, jơh ală cau kwang kra Israel dê neh tus hơ bơtau tòm Hebrôn, mơ Dabit bơtào dô bơta ho bal mơ bol khai tòm Hebrôn di đap Yàng Jehôwa. Mơ bol khai bong mơñà Dabit in gơs bơtau hơđang Israel, jat be jơnau Yàng Jehôwa neh kơnòm di Samuel.

I Yal Yau 12:23

Do la ntum khà ală cau ling tòmlơh neh lòt tus hơ Dabit tòm Hebrôn nàng tơrwơl lơgar Sol dê rê Dabit in jat be Yàng Jehôwa neh đơs.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.