II Samuel 2:18 - Sră Goh 2018

¹⁸ Tềng hơ̆ gơs pe nă kòn klau Jeruyah dê la Jôap, Abisai mơ Asael. Mơ tai, Asael ntoat mhar ngan kung be dô nơm be brê.

II Samuel 2:18 Mawu Ofanana

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

II Samuel 14:1

Jôap kòn klau Jeruyah dê git nùs bơtau kah kơlôi bơh Apsalôm.

II Samuel 2:19

Khai ting jat Apner, ò pơrlac ma kiau tòm tŭ ting jat.

II Samuel 22:34

Kơnràñ lơh jơng añ kung be jơng dô nơm jùn, Kơnràñ lơh añ in ring lơngai hơđang ală tiah jơnhoa.

II Samuel 23:24

Tòm mpồl pe jơt nă gơs Asael oh klau Jôap dê, Elhanan kòn klau Dôdô bơh Betlehem,

I Ală Bơtau 2:5

Rlau mơ hơ̆ tai, kòn git ñchi bơta Jôap kòn klau Jeruya neh lơh di añ, mbe khai neh lơh di bàr nă cau kwang at bồ ling Israel dê, la Apner kòn klau Ner, mơ Amasa kòn klau Jether. Khai la cau tơnchơt cau, sal tê tòm tŭ gơs ring lơngai, bơh mhàm neh gơhòr tòm bơta kơlìn gơtoă, mơ lơh mhàm bơta kơlìn gơtoă gơđềt di che kơt but mơ di khŏ di jơng khai dê.

I Yal Yau 11:26

Ală cau pràn kơldang la: Asael oh mi mơ Jôap, Elhanan kòn klau Dôdô bơh Betlehem,

I Yal Yau 12:8

Bơh mpồl cau Gadit neh lòt tus hơ Dabit tòm theng kơ̆ cê tòm ƀlàng ngềt ngơt, mơ la ală cau git làm bơta tòmlơh, chài rgơi at khèl mơ tà. Muh mat bol khai dê la be muh mat klìu triă, mơ bol khai sơrbac sơrbang be ală be brê hơđang ală mơnơm.

I Yal Yau 12:9

Ejer la cau at bồ, Ôbadia la cau at bồ oh, Eliap cau dơ̆ pe,

I Yal Yau 27:7

Cau kwang at bồ mpồl ling dơ̆ poan duh broă tòm kơnhai poan la Asael oh Jôap dê, Jebadia kòn klau khai dê tơnơ̆ ala khai. Gơs bàr jơt poan rbô nă cau tòm mpồl khai dê.

Đơs Crih 18:33

Kơnràñ lơh jơng añ in sơrbac be jơng jùn me dê, Mơ ai añ in ntào kơ̆ hơđang ală tiah jơnhoa.

Cau Bơto 9:11

Añ gŏ tai hơđơm mattơngai gơs cau ntoat pơrlòng ò mhar, hala cau pràn kơldang ò geh pha tòm bơta tòmlơh, cau jak chài ò geh piang lă, cau pas gơs ò dòp geh jak chài, mơ cau chài rgơi ò geh nđàc; bơh tŭ tơngai mơ tŭ lơmpah gơlik tus kòp nă cau in.

Đơs Chò 2:17

Jơl tus di tŭ rìng àng drim, mơ mƀur bơta klam jơngo roh thit. Ơ cau kòñ gơboh añ, rê wơl tĕ! Be dô nơm keh hala dô nơm jùn dra hơđang cìr mơnơm Bether.

Đơs Chò 8:14

Ơ cau kòñ gơboh añ, tus tĕ mhar, be dô nơm keh hala be dô nơm jùn kòn ơm hơđang ală mơnơm ƀô bơlhu.

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.

Habakuk 3:19

Jehôwa, Yàng Tom Trồ la bơta pràn kơldang añ jê, Kơnràñ lơh jơng añ jê gơlik kung be jơng jùn, Kơnràñ dong añ lòt hơđang ală tiah jòng. (Cih cau at bồ mpồl lip kơñi in, ngui pĕ ală kơñi mơ che).

I Samuel 26:6

Gen Dabit đơs mơ Ahimelek cau Hetit, mơ Abisai, kòn klau Jeruyah, oh Jôap dê lah: “Ñcau rơp lòt bal mơ añ tus hơ sàl Sol dê taih?” Abisai ho lah: “Añ rơp lòt bal mơ ồng.”