II Samuel 19:8 - Sră Goh 2018

⁸ Behơ̆, bơtau ñă ntào mơ lòt tus nggui di mpồng ƀòn dờng. Tòm tŭ làng bol kơno yal lah: “Bơtau neh tus nggui di mpồng ƀòn,” gen jơh mpồl làng bol tus di đap bơtau. Mơ tai, cau Israel neh dô rê hơ hìu bol khai dê.

II Samuel 19:8 Mawu Ofanana

II Samuel 15:2

Apsalôm òs guh gòñ, ntào di gah gùng mut tòm mpồng ƀòn dờng. Mơ tŭ lơi gơs cau lơi cèng dô bơta yă wơn kòñ lòt tus hơ bơtau nàng dan cahrña, gen Apsalôm hòi cau hơ̆ tus mơ lùp lah: “Mê tus bơh ƀòn dờng lơi taih?” Dilah cau hơ̆ ho lah: “Cau dĭ gơna ồng dê tus bơh dô nơm jơi bơtiàn tòm Israel dê.”

II Samuel 18:17

Bol khai tă ƀồc Apsalôm sơrbì tòm dô nơm trồm dờng tòm brê, mơ rơndap lŭ hơđang khai dô gơnru dờng ngan. Tòm tŭ jơh ală cau Israel dô rê hơ hìu bol khai dê.

II Samuel 18:24

Tŭ hơ̆ Dabit nggui digùl bàr nơm mpồng ƀòn dờng, cau ling kơp gàr guh hơđang rkàng mpồng ƀòn dờng bơh di dơrñang, mơ tòm tŭ khai tơnggòr sền, gŏ dô nă cau ntoat is.

II Samuel 18:4

Bơtau ho lah: “Añ rơp lơh bơta lơi bol mê sền la niam rlau jơh.” Behơ̆, bơtau ñă ntào di gah mpồng ƀòn dờng tòm tŭ mpồl ling lik lòt jat ală mpồl dô rhiang mơ ală mpồl dô rbô nă.

II Samuel 19:3

Ală cau ling kơñau mut òm tòm ƀòn dờng ò gơkrơi kung be dô mpồl ling ƀàssìl tòm tŭ neh dô bơh di tiah tòmlơh.

I Ală Bơtau 22:36

Gen tòm tŭ mattơngai neh mut, gơs dô jơnau driau tòm mpồl ling lah: “Kòp nă rê wơl tĕ tòm ƀòn tòm he, mơ kòp nă rê wơl tĕ tòm lơgar he dê.”

II Ală Bơtau 14:12

Mpồl ling Juda gơkòl mpồl ling Israel lơh gơprah; gen mpồl ling Juda ntoat dô, kòp nă rê wơl hơ sàl he.

II Ală Bơtau 8:21

Tŭ hơ̆, Jôram lòt tus hơ Jair, cèng bal jơh ală rơndeh tòmlơh khai dê. Khai lik lòt tòm trồ mang brồ lơh cau Edôm, mơ ală kwang at bồ rơndeh tòmlơh bol khai dê gam gơrwàng gùt dar khai. Mơya mpồl ling bơtau dê ntoat dô mơ rê hìu bol khai dê.

I Samuel 4:10

Behơ̆ cau Philistin tòmlơh, mơ cau Israel kong alah, mơ bol khai dô rê tòm sàl kòp nă bol khai dê. Gơs bơta tơnchơt la dờng ngan, tềng hơ̆ cau Israel gơpừ chơt pe jơt rbô nă cau ling.