II Samuel 17:11 - Sră Goh 2018

¹¹ Gen añ bơyai mơ ồng lah: Lòi tĕ jơh ală Israel, bơh Dan tus Beerseba, gal ngan kung be bràs di gah dàlềng, pơjum bal mơ ồng mơ gơs să tòm ồng lam bol khai lòt tòmlơh.

II Samuel 17:11 Mawu Ofanana

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 21:14

Abraham guh bơh drim, ai piang lă mơ dà tòm nhồng gơltau, ai Agar in mơ ơn dê pơnì khai, mơ jào kòn klau khai in, gen jun khai lòt. Khai lik lòt lềng làng tòm ƀlàng bràs Beerseba.

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

II Samuel 12:28

Tŭ do, bơtau pơjum tơrgòm tĕ ală mpồl ling gam wơl, gơrwàng ƀòn dờng mơ kup ai gơ. Dilah ò gen añ rơp tòmpìt ai gơ mơ gơ rơp geh sơnđan jat sơnđan añ.”

II Samuel 24:2

Behơ̆ bơtau đơs mơ Jôap mơ ală cau kwang at bồ mpồl ling ơm bal mơ khai lah: “Lòt tĕ làm jơh ală jơi bơtiàn Israel, bơh Dan tus Beerseba, mơ kòp khà làng bol, nàng añ in git gơs nđò.”

II Samuel 3:10

mơ cèng lơgar bơh hìu Sol, mơ bơtào sơbàn Dabit hơđang Israel mơ Juda, bơh Dan jơl tus Beerseba.”

I Ală Bơtau 20:10

Benhadat sồr cau kong sồr lòt đơs tai lah: “Dan ală yàng lơh añ kơnjơ̆ mơ oă rlau, dilah thul ơmul tòm Samari tơl bềng dô kơndồm tê ală cau ling lòt jat añ!”

I Ală Bơtau 4:20

Làng bol Juda mơ Israel la gal ngan kung be bràs di gah dàlềng, bol khai ñô sa mơ ơm lơngai.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Jôsue 11:4

Bol khai lik lòt bal mơ jơh ală mpồl ling dờng bol khai dê, khà gal ngan be bràs di gah dàlềng, bal mơ oă ngan ơseh mơ rơndeh lòs tòmlơh.

Ală Kwang Cahrña 20:1

Gen jơh làng bol Israel lik lòt bơh Dan tus hơ Beerseba, bal mơ ù tiah Galaat, mpồl làng bol pơjum bal be dô nă di đap Yàng Jehôwa tòm Mispa.

I Samuel 13:5

Làng bol Philistin pơjum bal nàng tòmlơh mơ Israel, bol khai gơs pe rbô nơm rơndeh lòs tòmlơh, mơ prau rbô cau ling hào ơseh, mơ mpồl cau ling oă be bràs di gah dàlềng, bol khai guh lơh sàl tòm Mikmas, đah mattơngai lik Bet Aben dê.

I Samuel 3:20

Mơ jơh Israel bơh Dan tus Beerseba git Samuel geh bơtào gơlik gơs dô nă cau gơnoar hwơr dờng màng Yàng Jehôwa dê.