II Samuel 17:10 - Sră Goh 2018

¹⁰ Gen bulah cau khin cha rlau jơh, mơ gơs nùs be klìu triă kung rơp lề lac bơh rngòt; bơh jơh Israel git bèp ồng dê la dô nă cau jak tòmlơh, mơ ală cau jat khai la cau khin cha.

II Samuel 17:10 Mawu Ofanana

Sơnròp Gơlik Gơs 49:9

Juda la dô nơm klìu triă, Ơ kòn, mê rê bơh phan mê neh kup geh. Cùn gơltang, kơp brồ be klìu triă brồ dam, Mơ be klìu triă me, ñcau khin pơrlai khai taih?

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

II Samuel 17:9

Tòm tŭ do khai ơm pồn să tòm dô nơm trồm lŭ hala tòm dô bă tiah lơi ndai tai. Dilah khai brồ lơh lài ală mpồl ling ồng dê mơ cau lơi kơno bơta hơ̆ rơp đơs lah ‘Neh gơs bơta sreh tơnchơt tòm ală mpồl ling jat Apsalôm.’

II Samuel 23:20

Benayah kòn klau Jehôyada tòm Kapjeel la dô nă cau ling tòmlơh khin cha, lơh gơs ală broă tiơng pơnro dờng. Khai neh tơnchơt bàr nă cau Môap pràn kơldang rlau jơh. Tòm dô ngai mìu piar ne, khai mù tòm dô nơm brong jrô mơ tơnchơt dô nơm klìu triă.

Đơs Crih 89:19

Tòm rài yau, tòm bơta gơtơnggŏ, gơs Yàng đơs mơ cau dòn song Kơnràñ dê lah: “Añ neh tơndau sơgơn bơtau hơđang dô nă cau gơs gơnoar pràn, Añ neh yò tơngguh dô nă cau geh sac rwah bơh digùl làng bol.

Lik Ejiptơ 15:15

Ală cau at bồ Edôm ò suk ơm, Ală cau lam bồ Môap rơm să; Làng bol Kanaan lề roh jơh.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Đơs Chò 3:7

Ne, la rda tùng Salômôn dê, gùt dar gơ gơs prau jơt nă cau pràn kơldang tòm mpồl cau pràn kơldang Israel dê.

Esai 13:7

Tài bơh bơta hơ̆, jơh ală tê rơp gơlik lơbơn lơño, kòp nơm nùs kòn mơnus dê rơp lề lac.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Ejekiel 21:15

Gen tàng ală nùs lề lac, mơ gơs oă cau rơp gơpừ. Añ neh ơn đào sreh tơnchơt di jơh ală mpồng mut tòm ƀòn bol khai dê. Ơ hơh! Đào neh tiar gơcrà be puhlèp, gơ neh cau at nàng sreh tơnchơt.

Yal Wơl 1:28

Ntềng đah bol he rgơi lòt taih? Ală oh mi bol he dê neh lơh bol he in gơplơ̆ nùs. Bol khai đơs lah: Ală làng bol tềng hơ̆ la pràn kơldang mơ jơnhoa rlau mơ bol he; ală ƀòn dờng la dờng ngan, ală dơrñang la jòng jơnhoa tus hơđang trồ. Bol hi kung neh gŏ ală cau Anakim ơm tềng hơ̆.’

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 18:17

Sol đơs mơ Dabit lah: “Do la Merap kòn ùr dờng añ jê. Añ rơp ai mê in bau; mìng mê pal duh broă añ dô bă khin cha mơ tòmlơh tòm ală bơta tòmlơh Yàng Jehôwa dê.” Bơh Sol neh kơlôi lah: “Añ rơp ò ƀư tê hơđang khai, lòi cau Philistin lơh bơta hơ̆!”