II Samuel 16:8 - Sră Goh 2018

⁸ Yàng Jehôwa neh sal wơl di mê bơh mhàm hìu nhă Sol dê, tòm tiah mơ mê neh at bồ; mơ Yàng Jehôwa neh jào lơgar tòm tê Apsalôm kòn klau mê dê. Sền tĕ bơta rung rài neh kup geh mê; tài bơh mê la dô nă cau neh lơh gơhòr mhàm.”

II Samuel 16:8 Mawu Ofanana

II Samuel 1:16

Dabit đơs mơ khai lah: “Mhàm mê dê tuh wơl hơđang bồ mê! Bơr tòm mê dê neh lơh cơng tòmdră mơ mê, bơh mê neh đơs lah: ‘Añ neh tơnchơt cau geh bong mơñà Yàng Jehôwa dê.’”

II Samuel 19:19

mơ khai đơs mơ bơtau lah: “Dan cau tòm añ jê bañ kòp añ la cau neh tìs glài, dan bañ kah wơl bơta tìs cau duh broă cau tòm añ jê neh lơh tòm ngai bơtau la cau tòm añ jê lik bơh Jerusalem, dan bơtau bañ prap bơta hơ̆ tòm nùs.

II Samuel 19:21

Gen Abisai, kòn klau Jeruyah, đơs lah: “Simei ò pal kong tơnchơt bơh bơta hơ̆ ò ơ? Tài bơh neh srat sơntơm cau geh bong mơñà Yàng Jehôwa dê.”

II Samuel 21:1

Tŭ hơ̆ gơs dô bơta jơgloh rung tòm pe sơnam tòm rài Dabit dê, bơh nam do tus nam ne; mơ Dabit hòi lùp Yàng Jehôwa. Yàng Jehôwa đơs lah: “Hơ̆ la bơh glài lơh gơtuh mhàm Sol mơ hìu nhă khai dê, tài bơh khai neh tơnchơt cau Gabaôn.”

II Samuel 21:9

bơtau jào bol khai cau Gabaôn in. Cau Gabaôn tơnchơt bol khai mơ yồng ƀồc bol khai hơđang mơnơm di đap Yàng Jehôwa. Jơh poh nă cau hơ̆ kong chơt dô bă bal; bol khai kong tơnchơt di di ngai bồ kơnhai toès, di tŭ cau rơp sơntòm toès kòi mac.

I Ală Bơtau 2:8

Kung gơs Simei kòn klau Gera, cau Benjamin bơh di Bahurim la cau neh srat rma añ iơh rmơh ngan tòm ngai añ lòt tus hơ Mahanaim. Mơya tòm tŭ khai mù wă rò añ di gah Jordan, añ neh ai sơnđan Yàng Jehôwa mơ srat să ho mơ khai lah: ‘Añ rơp ò tơnchơt mê mơ đào.’

Đơs Crih 3:2

Ò git nđò nă cau đơs bơh añ lah: “Tòm Yàng Tom Trồ ò gơs bơta dong klàs khai in.” (Selah)

Đơs Crih 4:2

Ơ ală kòn mơnus, bơta gơklŏ añ jê rơp gơkòl sền òsơp jơl tus di tŭ lơi taih? Ală bol mê rơp kòñ gơboh dê bơta roh lơm, mơ jòi jat bơta blac chừt jơl tus di tŭ lơi taih? (Selah)

Đơs Crih 55:3

Tài bơh jơnau đơs pơhìn cau sò tơm dê, Mơ tài bơh bơta rồn bơklơn cau iơh bơsak dê gen nùs añ dơrcul. Bơh bol khai cèng bơta bòl glar tus hơ añ, Mơ bol khai lơh iơh di añ dô bă gơjrañ mañ.

Đơs Crih 7:4

Dilah añ neh sal wơl bơta iơh di cau ơm gơtòmsòr mơ añ, Dilah añ neh nisơna tòmpìt kơñau phan cau sòdră di añ,

Jơnau Pơnđik 26:2

Be sềm rac par tềng do tềng dă, be sềm srài par srà thit, jơnau srat rma ò bồ kung behơ̆, ò tŭ lơi gơlik gơs.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Ală Kwang Cahrña 9:24

Bơta do neh gơlik gơs, hơ̆ la bơh bơta neh lơh iơh di poh jơt nă kòn klau Jerubaal dê pal geh sal wơl, mơ mhàm bol khai dê tuh wơl hơđang bi bol khai dê la Abimelek la cau neh tơnchơt bol khai, mơ hơđang làng bol Sicem, la ală cau neh lơh pràn tê khai tơnchơt ală oh mi khai dê.