II Samuel 15:25 - Sră Goh 2018

²⁵ Gen bơtau đơs mơ Jadôk lah: “Cèng wơl tĕ Đài Bơta Ho Bal Yàng Tom Trồ dê tus hơ ƀòn dờng. Dilah añ geh bơta nđàc di đap Yàng Jehôwa, Kơnràñ rơp cèng añ rê wơl, lòi añ in sền gơ bal mơ tiah ơm gơ dê,

II Samuel 15:25 Mawu Ofanana

II Samuel 6:17

Bol khai cèng tơmut Đài Yàng Jehôwa dê mơ ơn gơ di tiah gơ dê tòm dơlam sàl mơ Dabit neh bơtào gơ in; mơ Dabit neh ơn ală phan ơn chu pơrguc mơ ală phan ơn bơta ring lơngai di đap Yàng Jehôwa

II Samuel 7:2

gen khai đơs mơ cau gơnoar hwơr Nathan lah: “Sền do, añ ơm tòm gơlang mơ nho rề, mơya Đài Yàng Tom Trồ dê gam ơm tòm dô nơm sàl.”

Đơs Crih 122:1

Añ chò hòp tòm tŭ cau đơs mơ añ lah: “Bol he lòt lă tus hơ hìu Yàng Jehôwa dê!”

Đơs Crih 122:9

Tài bơh hìu Jehôwa la Yàng Tom Trồ bol he dê, Añ rơp jòi bơta niam mê in.

Đơs Crih 26:8

Ơ Yàng Jehôwa, añ kòñ gơboh hìu la tiah Yàng ơm, Mơ tềng hơ̆ bơta gơklŏ Kơnràñ dê ơm gam sùm sùm.

Đơs Crih 84:10

Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

Lik Ejiptơ 15:13

Tòm bơta kòñ gơboh kơ̆ dơn Kơnràñ dê, Kơnràñ tề lam làng bol Yàng neh tơwài. Tòm bơta pràn kơldang Kơnràñ dê, Kơnràñ rơp tề lam bol khai tus hơ tiah ơm sàng goh Kơnràñ dê.

Lik Ejiptơ 33:12

Môise đơs mơ Yàng Jehôwa lah: “Yàng neh đơs mơ añ lah: ‘Lam tĕ làng bol do,’ mơya Yàng ò ai añ in git Yàng rơp sồr ñcau lòt bal mơ añ. Yàng neh đơs lah: ‘Añ git mê mơ sơnđan mê, bơh mê neh geh bơta nđàc di đap Añ.’

Lik Ejiptơ 33:13

Dilah añ geh Yàng niam nùs dan Yàng bơto añ git ală gùng dà Yàng dê, tồ añ in git Yàng mơ geh bơta nđàc di đap Yàng. Dan Yàng kah tĕ làng bol do la làng bol Yàng dê!”

Esai 38:22

Ejekia kung neh lùp lah: “Gơs tềl lơi ai añ in git la añ rơp geh guh hơ hìu duh khoai Yàng Jehôwa taih?”

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”