II Samuel 14:32 - Sră Goh 2018

³² Apsalôm đơs mơ Jôap lah: “Tus tĕ hơ do tồ añ sồr mê lòt tus hơ bơtau nàng lùp lah: ‘Ñchi bơh tài añ rê bơh di Gesur taih? Chan añ gam ơm tềng hơ̆ la niam rlau!’ Behơ̆ tŭ do, añ kòñ tòm mat mơ bơtau, dilah añ gơs glài lơi, dan bơtau tơnchơt tĕ añ.”

II Samuel 14:32 Mawu Ofanana

Sơnròp Gơlik Gơs 3:12

Cau klau ho lah: “Cau ùr mơ Yàng neh ơn rềp dê añ ai añ in plai chi hơ̆ mơ añ neh sa rau.”

II Samuel 13:37

Mơya Apsalôm dô tus tòm hìu Thalmai kòn klau Ammihut, bơtau Gesur dê. Ai Dabit ñìm ƀồc kòn klau khai dê kòp ngai.

II Samuel 14:31

Behơ̆ Jôap neh lòt tus hơ hìu Apsalôm dê mơ đơs mơ khai lah: “Ñchi bơh tài ală cau duh broă mê dê neh chu sre añ mơ ồs taih?”

II Samuel 3:3

kòn dơ̆ bàr la Kileap, kòn klau Abigail la ùr bơnrau Nabal dê bơh Karmel; kòn dơ̆ pe la Apsalôm, kòn klau Maakah la kòn ùr Talmai, bơtau Gesur dê;

Đơs Crih 36:2

Bơh khai tơngguh is să he tòm mat tòm bol khai dê mơ kơlôi lah, Ò gơs cau lơi rgơi gŏ mơ gơjrañ kơuềng di tồi glài khai dê.

Lik Ejiptơ 14:12

Bol hi ò di neh đơs mơ ồng tòm Ejiptơ lah: ‘Lòi tĕ dò bol hi; lòi tĕ bol hi duh broă cau Ejiptơ,’ sơl ơ? Chan bol hi duh broă cau Ejiptơ la niam rlau mơ chơt tòm ƀlàng ngềt ngơt!”

Lik Ejiptơ 16:3

Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.”

Lik Ejiptơ 17:3

Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?”

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Mathiơ 25:44

Tŭ hơ̆ bol khai kung rơp ho lah: ‘Ơ Yàng, tŭ lơi bol hi neh gŏ Yàng jơgloh, hala tơhìr, hala cau nac crih, hala ơm kuh, hala kòl jàm, mơ ò duh broă Kơnràñ in ơ?’

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

I Samuel 15:13

Tòm tŭ Samuel neh tus hơ Sol, gen Sol đơs lah: “Dan Yàng Jehôwa ai lơngai ồng in! Añ neh lơh gơlik gơs jat ală jơnau sồr Yàng Jehôwa dê.”

I Samuel 20:8

Gen tàng, yal tơlik tĕ bơta niam lơnhơn cau duh broă bi in, bơh bi neh bơtào dô bơta ho bal mơ añ di đap Yàng Jehôwa. Dilah añ neh tìs glài lơi gen dan să tòm bi tơnchơt añ! Ñchi bơh tài jào añ tòm tê bèp bi taih?”