II Samuel 12:9 - Sră Goh 2018

⁹ Ñchi bơh tài mê sền òsơp di jơnau đơs Yàng Jehôwa dê mơ lơh bơta iơh di đap mat Kơnràñ taih? Mê neh ngui đào tơnchơt Uria cau Hetit mơ kup bau ùr khai lơh gơs bau ùr mê dê. Mê neh tơnchơt khai bơh đào cau Ammôn dê.

II Samuel 12:9 Mawu Ofanana

II Samuel 11:4

Behơ̆ Dabit sồr cau cèng khai tus, mơ bơtau bic mơ khai. Tơnơ̆ mơ tŭ neh lơh goh să khai bơh di bơta ƀơ̆ ƀơl, gen khai rê hìu.

II Samuel 12:10

Gen tàng tŭ do, đào rơp ò tŭ lơi lik ngài bơh di hìu mê, tài bơh mê neh sền òsơp di Añ, neh kup bau ùr Uria cau Hetit lơh gơs bau ùr mê dê.’

II Samuel 16:7

Simei driau dờng ndang srat rma Dabit ndang mơ đơs lah: “Ơ cau tơnchơt cau, ơ cau iơh bơsak, lik tĕ, lik tĕ!

I Ală Bơtau 15:5

Tài bơh Dabit neh lơh bơta niam di đap Yàng Jehôwa, ò pơrlac đah lơi bơh ală bơta Kơnràñ neh nting sồr khai, mìng tòm broă Uria, cau Hetit lơm.

I Ală Bơtau 21:19

Mê rơp đơs mơ khai lah: Yàng Jehôwa đơs be do: “Mê neh tơnchơt cau, mơ kung tòmpìt sre brê ơ?” Mê pal đơs mơ khai lah: “Tòm tiah so neh liap mhàm Nabôt dê, gen so kung rơp liap mhàm mê behơ̆ sơl.”

II Yal Yau 33:6

Khai ơn ală kòn klau khai dê lơh gơs phan ơn duh khoai tòm ồs tòm Thòng Ben Hinôm, juh proh, sền dà, mơ hòi lùp ală cau gru cau bơjơu. Khai lơh oă bơta iơh bơsak di đap mat Yàng Jehôwa, bơrcek Kơnràñ gơjrañ.

Đơs Crih 51:14

Ơ Yàng Tom Trồ la Yàng Tom Trồ bơta dong klàs añ jê, Dan dong tă añ bơh di glài lơh gơtuh mhàm, Gen lơmpiat añ rơp đơs chò dờng jòng ro bơta dong tă Kơnràñ dê.

Đơs Crih 51:16

Bơh Yàng ò chò hòp di phan ơn duh khoai ò; Dilah añ ơn phan ơn chu pơrguc gen bơta hơ̆ ò niam nùs Kơnràñ.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 90:8

Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

Jơnau Pơnđik 14:2

Cau lơi lòt jat bơta song ngan duh rngòt Yàng Jehôwa; Ai cau lơi lơh lòt rkwet rkwe sền òsơp di Kơnràñ,

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

Jeremi 18:10

mơya dilah lơgar hơ̆ lơh bơta iơh di đap Añ mơ ò iat jơnau Añ, gen Añ rơp tòmgơl nùs bơh bơta lơngai mơ Añ lơh nền bol khai in.

Amôs 2:4

Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.

I Samuel 15:19

Ñchi bơh tài mê ò dòn bơr Yàng Jehôwa taih? Ñchi bơh tài mê neh brồ kup ală phan tòmpìt geh mơ lơh bơta iơh di đap Yàng Jehôwa taih?”

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”

I Samuel 15:26

Samuel đơs mơ Sol lah: “Añ rơp ò rê wơl mơ mê; bơh mê neh sang lòi jơnau Yàng Jehôwa dê, mơ Yàng Jehôwa neh sang lòi mê, ò lòi mê gơs bơtau at bồ Israel tai.”