II Samuel 12:22 - Sră Goh 2018

²² Bơtau ho lah: “Tòm tŭ kòn dềt gam kis, añ neh ơt sa mơ ñìm. Añ kơlôi lah: ‘Ñcau rgơi git taih? Digơlan Yàng Jehôwa nđàc sơngit di añ mơ lòi kòn dềt in kis.’

II Samuel 12:22 Mawu Ofanana

II Samuel 12:21

Ală cau dĭ duh broă khai dê lùp khai lah: “Ñchi bơh tài bơtau lơh behơ̆ taih? Tòm tŭ kòn dềt gam kis, bơtau ơt sa mơ ñìm, mơya tŭ do kòn dềt neh chơt rau gen bơtau guh wơl mơ sa!”

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Esai 38:5

“Lòt tĕ đơs mơ Ejekia lah: Yàng Jehôwa la Yàng Tom Trồ Dabit, ồng pàng mê dê, đơs be do: ‘Añ neh kơno jơnau hòi dan mê dê mơ neh gŏ dà mat mê dê, Añ rơp ai bơtơl rài kis mê in jơt pram nam tai.

Jôel 1:14

Lơh nền tĕ dô bơta ơt sa sàng goh, hòi jà tĕ dô bơta pơjum duh khoai, pơjum wơl tĕ ală cau kwang kra bal mơ jơh làng bol tòm lơgar tòm hìu Jehôwa Yàng Tom Trồ bol mê dê mơ rac dan mơ Yàng Jehôwa!

Jôel 2:14

Ñcau rgơi git lah Kơnràñ rơp ò pơrlac mơ tơnruc nùs, mơ lòi dô bơta lơngai di ngkòi Kơnràñ, nàng bol mê ơn dô nơm phan ơn duh khoai mơ kòi mbo mơ ală phan ơn hùc, Jehôwa Yàng Tom Trồ bol mê in, taih?”

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Jôna 1:6

Cau at bồ ơhò tus hơ khai mơ đơs lah: “Mbe mê rgơi bic behơ̆ taih? Guh tĕ mơ hòi dan mơ yàng mê dê! Digơlan yàng rơp ai nùs kah kơlôi bơh bol he, nàng bol he ò chơt roh.”