II Samuel 12:20 - Sră Goh 2018

²⁰ Gen Dabit guh bơh ù. Tơnơ̆ mơ tŭ khai neh um dà, bong mơñà ƀô, mơ tòmgơl ồi ào; khai lòt tus tòm hìu Yàng Jehôwa dê nàng duh khoai. Gen khai rê wơl hìu khai dê mơ sồr cau yò sa khai in, mơ khai neh sa.

II Samuel 12:20 Mawu Ofanana

II Samuel 12:19

Mơya Dabit gŏ ală cau duh broă khai dê đơs chều mơ gơp mơ khai đal git lah kòn dềt neh chơt, gen lùp lah: “Kòn dềt neh chơt rau sơl?” Bol khai ho lah: “Ơi, khai neh chơt rau.”

II Samuel 12:21

Ală cau dĭ duh broă khai dê lùp khai lah: “Ñchi bơh tài bơtau lơh behơ̆ taih? Tòm tŭ kòn dềt gam kis, bơtau ơt sa mơ ñìm, mơya tŭ do kòn dềt neh chơt rau gen bơtau guh wơl mơ sa!”

II Samuel 14:2

Behơ̆ Jôap sồr cau lòt hơ Tekôa mơ jà dô nă cau ùr jak chài tus. Khai đơs mơ cau ùr hơ̆ lah: “Ai lơh tànggơ tĕ kung be cau moat ƀồc. Soh tĕ ồi ào cau moat ƀồc, bañ bong mơñà di bồ ai. Lơh kung be dô nă cau ùr neh jŏ ngai ơm moat ƀồc.

II Samuel 19:24

Mephibôset sau klau Sol dê, kung lòt tus tòm mat mơ cau bơtau. Khai ò kơlôi rcang bơh jơng khai dê, ò siat sơnò tềp hala pìh ồi ào khai dê bơh di ngai bơtau lik lòt jơl tus di ngai bơtau rê wơl lơngap lơngai.

II Samuel 6:17

Bol khai cèng tơmut Đài Yàng Jehôwa dê mơ ơn gơ di tiah gơ dê tòm dơlam sàl mơ Dabit neh bơtào gơ in; mơ Dabit neh ơn ală phan ơn chu pơrguc mơ ală phan ơn bơta ring lơngai di đap Yàng Jehôwa

II Samuel 7:18

Gen bơtau Dabit lòt tus mơ nggui di đap Yàng Jehôwa mơ đơs lah: “Khoai Jehôwa Yàng Tom Trồ, añ la ñcau mơ hìu nhă añ la ñchi mơ Kơnràñ neh tề lam añ tus di ngai do taih?

Sră Jop 1:20

Gen Jop ñă ntào, crè ào khai dê mơ koah bồ, mơ tơmbic să tòm ù mơ duh khoai Yàng,

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Đơs Crih 103:1

Ơ hwềng soàn añ jê, jòng ro tĕ Yàng Jehôwa; Jơh ală bơta lơi ơm tòm añ, jòng ro tĕ sơnđan sàng goh Kơnràñ dê!

Đơs Crih 103:8

Yàng Jehôwa gơs nùs nđàc sơngit mơ kòñ nđàc, Òbat gơhào gơjrañ, mơ bềng bơta kòñ gơboh kơ̆ dơn.

Đơs Crih 39:9

Añ lơh be kloat, ò pò bơr, Tài bơh Yàng neh lơh broă hơ̆.

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Jơnau Pơnđik 3:7

Bañ jak chài jat mat tòm he dê. Duh rngòt tĕ di Yàng Jehôwa, mơ pleh ngài bơh di bơta iơh;

Cau Bơto 9:8

Lòi tĕ ào jrùh mê dê bò sùm, bañ lòi siơ̆u mơñà hơđang bồ mê.

Mathiơ 6:17

Mơya tòm tŭ mê ơt sa, bong tĕ mơñà di bồ mơ tuh muh mat,

Luka 7:46

Mê ò bong mơñà di bồ Añ, mơya khai ngui mơñà ƀô bơlhu bong di jơng Añ.

Rutơ 3:3

Tŭ do um tĕ mơ bong mơñà bơlhu tòm să kòn, mơ soh ồi ào niam rlau jơh mơ mù hơ làn jă kòi; mơya bañ lòi khai git gơs kòn tềng hơ̆ jơl tus di tŭ khai neh sir sa mơ hùc rau.

I Samuel 15:25

Tŭ do añ dan ồng toh glài añ in mơ rê wơl mơ añ, nàng añ in duh khoai Yàng Jehôwa.”

I Samuel 15:31

Behơ̆ Samuel rê wơl mơ Sol; gen Sol duh khoai Yàng Jehôwa.