II Samuel 12:13 - Sră Goh 2018

¹³ Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

II Samuel 12:13 Mawu Ofanana

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

II Samuel 24:10

Tơnơ̆ mơ tŭ neh sir cih khà làng bol, Dabit gơkòl nùs nhơm lah pơrhơng, gen khai đơs mơ Yàng Jehôwa lah: “Añ neh tìs glài kơnjơ̆ tòm bơta añ neh lơh. Khoai Yàng Jehôwa, tŭ do añ rac dan Kơnràñ tă tơlik bơta tồi glài cau duh broă Kơnràñ dê. Añ neh lơh dô bơta bơrngơl gơla ngan.”

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

I Ală Bơtau 13:4

Tòm tŭ bơtau kơno jơnau driau tòmdră mơ cơnòng duh khoai tòm Betel, gen Jerôbôam pò tê khai dê bơh di cơnòng duh khoai mơ đơs lah: “Kup tĕ khai.” Mơya tê bơtau pò tòmdră mơ cau gơnoar hwơr gơlik ro, tian gơs ò rgơi tơrkồn wơl tòm să khai.

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

I Ală Bơtau 22:8

Bơtau Israel ho mơ Jôsaphat lah: “Gam gơs dô nă cau, nàng bơh khai bol he rgơi lùp Yàng Jehôwa, hơ̆ la Mice, kòn klau Jimla dê; mơya añ gơjrañ di khai, bơh khai ò tŭ lơi đơs hwơr niam bơh añ, mơ mìng la rung rài lơm.” Jôsaphat đơs lah: “Dan bơtau bañ đơs behơ̆.”

II Ală Bơtau 1:9

Gen bơtau sồr dô nă cau kwang at bồ pram jơt ling lòt bal mơ pram jơt nă cau ling guh tus hơ Eli. Eli ơm nggui hơđang bồ kơh. Khai đơs mơ Eli lah: “Ơ cau Yàng Tom Trồ dê, bơtau đơs mơ ồng lah: mù tĕ!”

I Yal Yau 21:8

Dabit đơs mơ Yàng Tom Trồ lah: “Añ neh tìs glài dờng ngan tòm bơta do. Mơya tŭ do añ hòi dan mơ Yàng, dan tă sang bơta tồi glài do bơh di cau duh broă Kơnràñ dê. Bơh añ neh lơh tùl gơla ngan.”

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Sră Jop 33:27

Cau hơ̆ đơs chò bal mơ ală cau ndai mơ đơs lah: ‘Añ neh tìs glài, mơ lơh rkwet rkwe bơta song ngan, mơ ò di tơm wơl di añ.

Đơs Crih 103:12

Đah mattơngai lik la ngài mơ đah mattơngai mut kàr lơi, Gen Kơnràñ kung tă sang bơta tìs glài bol he dê ngài kàr hơ̆ sơl.

Đơs Crih 51:16

Bơh Yàng ò chò hòp di phan ơn duh khoai ò; Dilah añ ơn phan ơn chu pơrguc gen bơta hơ̆ ò niam nùs Kơnràñ.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Lik Ejiptơ 9:27

Gen Pharaôn sồr hòi Môise mơ Arôn tus mơ đơs lah: “Dơ̆ do añ neh tìs glài, Yàng Jehôwa la di; añ mơ làng bol añ jê la tìs.

Jơnau Pơnđik 25:12

Cau jak chài lah pơrhơng trồm tồr jak iat, ò gơkrơi be dô dơwàng kòng màh, dô nơm phan bơka să mơ màh ngan sơl.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Ñìm Rac 3:32

Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Lebi 20:10

Dilah cau lơi tìs glài rềs àr bơrnàn mơ bau ùr dô nă cau ndai, mơ bau ùr cau ơm rềp mơ khai gen jơh bàr nă cau klau mơ cau ùr rềs àr bơrnàn hơ̆ pal kong tơnchơt.

Lebi 24:17

Dilah dô nă cau lơi tă bơta kis dô nă kòn mơnus dê, gen cau hơ̆ pal kong tơnchơt.

Sacari 3:4

Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Mathiơ 14:10

Bơtau sồr cau lòt koh bồ Jang tòm hìu jàm,

Luka 15:21

Kòn đơs mơ bèp lah: ‘Ơ bèp, añ neh tìs glài mơ Yàng Tom Trồ mơ bèp, ò di pal sơnđan la kòn bèp dê tai.’

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Broă 2:37

Tòm tŭ kơno ală jơnau hơ̆ gen nùs bol khai jê sồt ngan, bol khai lùp mo Pier mơ ală cau gơnoar bơto dờng ndai lah: “Ơ oh mi, mbe bol hi pal lơh taih?”

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

I Samuel 15:20

Sol đơs mơ Samuel lah: “Mơya añ neh dòn bơr Yàng Jehôwa. Añ neh lòt lơh bơta mơ Yàng Jehôwa neh sồr añ lơh. Añ neh tơnroh jơh hir cau Amalek mơ cèng brê Agak la bơtau bol khai dê.

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”