II Samuel 11:11 - Sră Goh 2018

¹¹ Uria đơs mơ Dabit lah: “Đài Bơta Ho Bal mơ Israel mơ Juda gam ơm tòm sàl, mơ cau tòm añ jê la Jôap bal mơ ală cau duh broă cau tòm añ jê, gam sơntơp sàl tòm ƀlàng, mbe añ rgơi mut tòm hìu añ jê, ñô sa mơ bic mơ bau ùr añ jê taih? Di ngan kung be bơtau kis, mơ hwềng soàn bơtau kis, añ rơp ò lơh dô bơta behơ̆!”

II Samuel 11:11 Mawu Ofanana

II Samuel 11:10

Tòm tŭ cau yal wơl Dabit in mơ đơs lah: “Uria ò rê hìu khai dê,” gen Dabit lùp Uria lah: “Mê ò di pa rê bơh di tiah ngài ò ơ? Ñchi bơh tài mê ò rê hìu taih?”

II Samuel 14:19

Bơtau lùp lah: “Ngan sơl la tê Jôap neh lơh broă do bal mơ ai ơ?” Cau ùr ho lah: “Di ngan kung be bơtau kis, ơ cau tòm añ jê la bơtau, ò gơs cau lơi rgơi pơrlac đah ma hala đah kiau bơh di jơnau lơi mơ cau tòm añ jê neh đơs. Ngan, hơ̆ la Jôap, cau duh broă bơtau dê neh bơto añ lơh bơta do, mơ neh ơn ală jơnau đơs do tòm bơr cau duh broă bơtau dê.

II Samuel 20:6

Gen Dabit đơs mơ Abisai lah: “Tŭ do, Seba kòn klau Bikri rơp lơh iơh di bol he rlau mơ Apsalôm. Cèng tĕ ală cau tòm mpồl ling cau tòm mê dê mơ ting jat Seba, rngòt khai tòmpìt ai ală ƀòn dờng kơ̆ cê mơ geh klàs bơh di bol he mòn.”

II Samuel 7:2

gen khai đơs mơ cau gơnoar hwơr Nathan lah: “Sền do, añ ơm tòm gơlang mơ nho rề, mơya Đài Yàng Tom Trồ dê gam ơm tòm dô nơm sàl.”

II Samuel 7:6

Añ neh ò ơm tòm dô nơm hìu lơi bơh ngai Añ cèng làng bol Israel lik bơh di lơgar Ejiptơ jơl tus di ngai do, mơya Añ neh lòt bơh tiah do tus hơ tiah ne tòm dô nơm sàl mơ Sàl Ing Duh Khoai.

Khà Làng Bol 32:6

Môise đơs mơ ală cau Gat mơ ală cau Ruben lah: “Ală cau dô lơgar bal mơ bol mê pal lòt tòmlơh ñchi bơh tài bol mê ơm tềng do taih?

Jang 13:14

Behơ̆ dilah Añ la Yàng mơ la Cau Bơto, mơ neh rào jơng bol mê in, gen bol mê kung pal rào jơng bal mơ gơp behơ̆ sơl.

II Timôthe 2:12

Dilah bol he kong jai, gen kung rơp at bồ bal mơ Kơnràñ; Dilah bol he pơndang sang Kơnràñ, gen Kơnràñ kung rơp pơndang sang bol he sơl;

I Samuel 1:26

Mơ Anne đơs mơ Heli lah: “Ơ yàng añ jê, di ngan kung be ồng kis, yàng añ jê, añ la cau ùr neh ơm ntào tềng do di đap ồng mơ hòi dan mơ Yàng Jehôwa.

I Samuel 14:18

Sol đơs mơ Ahija lah: “Cèng tus tĕ Đài Yàng Tom Trồ dê tềng do.” (Tòm tŭ hơ̆ Đài Yàng Tom Trồ dê ơm bal mơ cau Israel.)

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 4:4

Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.