II Samuel 11:1 - Sră Goh 2018

¹ Tòm kơnhai phàng, tŭ ală cau bơtau lik lòt tòmlơh, Dabit sồr Jôap lik lòt bal mơ ală cau duh broă bơtau dê mơ jơh mpồl ling Israel dê; bol khai tơnroh cau Ammôn mơ gơrwàng gùt dar Rapba. Mơya Dabit ơm wơl tòm Jerusalem.

II Samuel 11:1 Mawu Ofanana

II Samuel 10:14

Tòm tŭ cau Ammôn gŏ cau Aram neh dô, gen bol khai kung ntoat dô bơh di đap Abisai mơ dô mut tòm ƀòn dờng. Gen Jôap rê wơl bơh bơta tòmlơh mơ cau Ammôn mơ tus hơ Jerusalem.

I Ală Bơtau 20:22

Tŭ hơ̆, cau gơnoar hwơr tus rềp hơ bơtau Israel, mơ đơs lah: “Lòt tĕ, lơh să tòm bơtau in pràn kơldang, mơ sền sơwì niam bơta lơi bơtau pal lơh, bơh nam tơnơ̆ bơtau Siri rơp tus nàng tòmlơh mơ bơtau tai.”

I Ală Bơtau 20:26

Nam tơnơ̆, Benhadat pơjum làng bol Siri, mơ guh hơ Aphek nàng tòmlơh mơ Israel.

I Yal Yau 20:1

Tòm kơnhai bơkào chi che, tòm tŭ ală cau bơtau lik lòt tòmlơh, Jôap lam ală mpồl ling lik lòt. Khai tơnroh lơgar cau Ammôn dê mơ lòt tus hơ Rapba mơ gơrwàng gơ, mơya Dabit ơm wơl tòm Jerusalem. Jôap brồ lơh Rapba mơ tơnroh gơ.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

Đơs Crih 60:9

Ñcau rơp lam añ mut tòm ƀòn dờng kơ̆ cê? Ñcau rơp lam añ lòt tus hơ lơgar Edôm taih?

Cau Bơto 3:8

Gơs tŭ kòñ gơboh, mơ gơs tŭ gơjrañ; gơs tŭ kơlìn gơtoă, mơ gơs tŭ ring lơngai.

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Jeremi 49:3

“Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Ejekiel 21:20

Lơh tĕ tềl sơnio gùng nàng lam đào lòt tus tòmdră mơ Rabba cau Ammôn dê, mơ dô gùng ndai tòmdră mơ Juda mơ ƀòn dờng kơ̆ cê Jerusalem.

Amôs 1:14

Behơ̆ Añ rơp sing ồs chu ală dơrñang ƀòn Rapbah, ồs hơ̆ rơp sa loan jơh ală gơlang kơ̆ cê gơ dê bal mơ ală jơnau hòi driau tòm ngai tòmlơh, bal mơ càl pràn tòm ngai càl rbut dờng.

Sacari 14:3

Gen Yàng Jehôwa rơp lik lòt tòmlơh mơ ală lơgar hơ̆, kung be Kơnràñ tòmlơh tòm ngai kơlìn gơtoă.

Yal Wơl 3:11

(Mìng Ôk bơtau Basan gam wơl bơh di kòn sau Rephaim. Cơnòng bic khai dê lơh mơ lòs mơ gơs rlau mơ jơt pe tal jòng mơ prau tal ơnàng. Cơnòng hơ̆ gam tòm Rapbah cau Ammônit dê.)

I Samuel 18:30

Ală cau kwang at bồ mpồl ling cau Philistin dê kư̆ pơnjat tai lik lòt tòmlơh, mơ nđò dơ̆ bol khai lik lòt tòmlơh gen Dabit geh bơtoah bơtoài rlau mơ ală cau duh broă Sol dê, tian gơs sơnđan khai geh tiơng pơnro ngan.