II Kôrintô 3:16 - Sră Goh 2018

¹⁶ Mơya dilah tŭ lơi nùs cau hơ̆ rê wơl mơ Yàng, gen tŭ hơ̆ bài kơrnìng geh tă tơlik.

II Kôrintô 3:16 Mawu Ofanana

Lik Ejiptơ 34:34

Mơya tŭ lơi Môise tus di đap Yàng Jehôwa nàng tòmbơhbơr mơ Kơnràñ, gen khai pò chèo jơm gòm muh mat khai dê jơl tus di tŭ khai lik bơh hơ̆. Mơ tòm tŭ khai neh lik gen khai yal wơl làng bol Israel in ală jơnau Kơnràñ neh sồr khai.

Esai 25:7

Mơ Kơnràñ rơp tơnroh hơđang mơnơm do, chèo jơm mat neh sơrbì hơđang jơh ală làng bol, ồi tơ̆ neh jơm hơđang jơh ală lơgar; Kơnràñ rơp loan bơta chơt jơl sùm sùm.

Esai 29:18

Tòm ngai hơ̆, cau tĭ tồr rơp kơno ală jơnau tòm sră pồt, gar mat cau jơngo rơp sền gŏ bơh bơta lu li mơ klam jơngo.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Ñìm Rac 3:40

Bol he sền sơwì mơ lòng tĕ gùng dà he, mơ rê wơl tĕ mơ Yàng Jehôwa.

Rôma 11:23

Ai đah cau Juda, dilah sang lòi bơta ò dòn, gen rơp geh crap tòp wơl, bơh Yàng Tom Trồ rgơi crap tòp bol khai wơl.

II Kôrintô 3:15

Ngan behơ̆, jơl tus di ngai do kòp dơ̆ sền Sră Môise gen gam gơs bài kơrnìng hơ̆ ơm hơđang nùs kơlôi bol khai dê.

Yal Wơl 30:10

dilah bol mê dòn bơr Jehôwa Yàng Tom Trồ bol mê dê mơ prap gàr ală jơnau gơnoar sồr mơ ală bơta lơh nền Kơnràñ dê be neh cih tòm sră bơta boh lam mơ jơh nùs jơh hwềng soàn rê wơl hơ Jehôwa Yàng Tom Trồ bol mê dê.

Yal Wơl 4:30

Tòm tŭ bol mê gơs bơta bòl glar kalke mơ jơh ală bơta do gơlik gơs di bol mê, gen tòm ală ngai lồi dut bol mê rơp rê wơl hơ Jehôwa Yàng Tom Trồ bol mê dê mơ dòn bơr Kơnràñ.