II Kôrintô 10:13 - Sră Goh 2018

¹³ Mơya bol hi ò kòñ jòng să rlau mơ sơnoa rnoas, mìng jat nhàr mơ Yàng Tom Trồ neh ai bol hi in, tòm nhàr hơ̆ kung gơs broă lơh bol hi dê digùl oh mi sơl.

II Kôrintô 10:13 Mawu Ofanana

Đơs Crih 19:4

Bulah behơ̆, jơnau bơto yal ală tap trồ dê gơ lòt làm plai ù, Mơ jơnau đơs bol gơ dê gơ lòt làm jơh dunnia. Di tiah bol gơ Kơnràñ neh ơn mattơngai.

Jơnau Pơnđik 25:14

Cau lơi jòng să phan ơn he òhềt ơn, ò gơkrơi be mhwal gơs càl, mơ ò gơs mìu.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Mathiơ 25:15

Cau tòm jào cau do in pram talơng, cau ne bàr talơng, cau ndai dô talơng, jat be bơta chài rgơi kòp nă cau dê; gen cau tòm lik lòt.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Rôma 12:6

Bơh bol he gơs ală bơta ai gòi krơi is, jat be bơta nđàc Yàng Tom Trồ neh ai bol he in, dilah cau lơi đơs hwơr, gen đơs tĕ jat be rnoas bơta dòn dê;

Rôma 15:20

Mơya bơta kơp kòñ añ jê la bơto yal Jơnau Niam di tiah lơi òhềt geh bơto yal sơnđan Bơtau Krist, tồ klàs bơt bơtào di mơnàng cau ndai dê,

I Kôrintô 12:11

Mơya gơs mìng dô nă Yàng Hwềng lơh jơh ală broă hơ̆, mơ tòmpà kòp nă cau in jat nùs kòñ Kơnràñ dê.

Ephesô 4:7

Mơya neh ai bơta nđàc kòp nă cau in tòm bol he jat be rnoas bơta ai gòi Bơtau Krist dê.

I Pier 4:10

Kòp nă ai tĕ bơta ai gòi he neh dòp geh nàng duh broă bal mơ gơp, kung be cau at bồ hìu dô bă niam dòn song tòmpà bơta nđàc lìu làc Yàng Tom Trồ dê.