II Jang 1:5 - Sră Goh 2018

⁵ Ơ mò, tŭ do añ dan mò kah lah bol he pal kòñ gơboh bal mơ gơp, hơ̆ ò di be añ cih mò in dô bơta sồr lam pa, mơya la bơta bol he neh gơs bơh sơnròp.

II Jang 1:5 Mawu Ofanana

Jang 15:12

Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê.

Jang 15:17

Añ bơto sồr bol mê ală bơta hơ̆, nàng bol mê kòñ gơboh bal mơ gơp.”

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

Hebrơ 13:1

Gơs tĕ nùs kòñ gơboh sùm bal mơ gơp be oh mi tòm Bơtau Krist.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.

II Pier 1:7

bơtơl bơta gơboh gơbài di oh mi hơđang bơta duh rngòt, bơtơl nùs kòñ gơboh hơđang bơta gơboh gơbài di oh mi.

I Jang 3:11

Do la jơnau bơto yal mơ oh mi neh kơno bơh sơnròp: Hơ̆ la bol he pal kòñ gơboh bal mơ gơp.

I Jang 3:23

Mơ do la bơta sồr lam Kơnràñ dê: Bol he pal dòn di sơnđan Kòn Kơnràñ dê, la Yàng Jesu Krist, mơ kòñ gơboh bal mơ gơp, be Kơnràñ neh sồr bol he.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

II Jang 1:1

Jang la kwang kra pơyoa mò in la cau geh sac rwah bal mơ ală kòn mò dê mơ añ kòñ gơboh jơh nùs, ò di mìng añ lơm ò, mơya jơh tơl nă cau git jơnau song kung kòñ gơboh sơl;