Hebrơ 5:3 - Sră Goh 2018

³ Mơ tài bơh să tòm khai la lơbơn lơño, khai pal ơn phan duh khoai bơh tồi glài să tòm khai dê, kung be bơh tồi glài làng bol dê sơl.

Hebrơ 5:3 Mawu Ofanana

Lebi 16:15

Lồc behơ̆, khai pal hàl tơnchơt be dam lòi ơn lơh gơs phan ơn tơwài glài làng bol in mơ cèng mhàm gơ dê tus đah dơlam bài kơrnìng mơ lơh kung be khai neh lơh mơ mhàm kơnrồ dam: Khai pal rsìh gơ hơđang bơnap bơta nđàc mơ di đap bơnap hơ̆ tai.

Lebi 16:6

Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in.

Lebi 9:7

Môise đơs mơ Arôn lah: “Tus tĕ hơ cơnòng duh khoai mơ ơn tĕ phan ơn tơwài glài bi in mơ phan ơn chu pơrguc bi in mơ ơn phan tơwài să tòm bi in mơ làng bol in, ơn tĕ phan ơn làng bol in mơ ơn phan tơwài glài bol khai in, be Yàng Jehôwa neh sồr.”

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

Hebrơ 10:12

Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

Hebrơ 7:27

Kơnràñ ò di be ală cau gơnoar dờng lam bồ ơn phan duh khoai ne, la cau kòp ngai pal ơn phan duh khoai tài bơh glài bol khai dê, tơnơ̆ bơh glài làng bol dê; bơh Kơnràñ neh lơh broă hơ̆ dô dơ̆ tơl rau, tòm tŭ Kơnràñ ơn să tòm Kơnràñ.

Hebrơ 9:7

mơya pơnah đah dơlam, gen mìng cau gơnoar dờng lam bồ ơn phan duh khoai mut tòm hơ̆ dô nam dô dơ̆ lơm, mơ pal cèng mhàm la mhàm pal ơn tơwài glài să tòm khai in mơ bơh tồi glài làng bol dê sơl.