Hebrơ 4:3 - Sră Goh 2018

³ Bơh bol he la cau neh dòn gen geh mut tòm bơta rlô lơngai, be Yàng Tom Trồ neh đơs: “Tòm tŭ Añ gơjrañ dờng Añ srat să lah: ‘Bol khai rơp ò tŭ lơi geh mut tòm bơta rlô lơngai Añ jê,’” Bulah ală broă Kơnràñ dê neh gơs sir rau bơh sơnròp crơng gơs trồ tiah.

Hebrơ 4:3 Mawu Ofanana

Sơnròp Gơlik Gơs 1:31

Yàng Tom Trồ gŏ ală broă Kơnràñ neh lơh la niam ngan. Behơ̆ gơs mho mơ drim: hơ̆ la ngai prau.

Đơs Crih 95:11

Gen tàng tòm bơta gơhào gơjrañ Añ jê, Añ srat să lah: “Bol khai rơp ò geh mut tòm bơta rlô Añ jê.”

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Esai 28:12

Kơnràñ neh đơs mơ bol khai lah: “Do la tiah rlô bòl, lòi tĕ ală cau bòl glar rlô bòl: do la tiah ơm ring ngềt.” Mơya bol khai ò bài iat.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Mathiơ 13:35

nàng gơlik di ngan be jơnau cau gơnoar hwơr đơs lah: “Añ rơp pò bơr mơ đơs pơnyơu, Añ rơp yal tơlik ală bơta neh pồn bơh tŭ crơng gơs trồ tiah.”

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Hebrơ 3:11

Tòm tŭ Añ gơjrañ dờng Añ srat să lah: ‘Bol khai rơp ò tŭ lơi geh mut tòm bơta rlô Añ jê.’”

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.