Biblia Todo Logo
Baibulo la pa intaneti

- Zotsatsa -




Hebrơ 2:3 - Sră Goh 2018

3 mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Onani mutuwo Koperani




Hebrơ 2:3
42 Mawu Ofanana  

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”


Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”


Añ rơp cèng bơta dong tă Añ jê tus rềp mhar ngan; bơta dong klàs Añ jê neh lik lòt rau; mơ tơwòr tê Añ jê rơp at bồ hơđang ală làng bol; ală bồt pơlào kơp gơn Añ mơ bol khai gơn kơnòm di tơwòr tê Añ jê.


Bơh mŏ rơp sa roh bol khai kung be sa ồi ào; kih rhài rơp sa bol khai kung be sa sơnò belàt. Mơya bơta dong tă Añ jê rơp gam sùm sùm, bơta dong klàs Añ jê gam sùm jơl jơh ală rài.”


Yàng Jehôwa neh tơlik dô jơnau yal tus di ală tiah lồi plai ù lah: “Đơs tĕ mơ Kòn ùr Siôn lah: ‘Sền ne, Bơtau Dong Klàs ai dê tus! Sền ne, phan ƀàn Kơnràñ dê ơm mơ Kơnràñ, mơ phan tơm wơl Kơnràñ dê tus bal mơ Kơnràñ.’”


Mơya bơtau hơ̆ neh bơtào tòmdră mơ cau Babilôn, sồr dô mpồl cau kong sồr lòt tus hơ lơgar Ejiptơ nàng dòp geh ală ơseh mơ dô mpồl oă cau ling. Khai rơp geh bơtoah bơtoài sơl? Dô nă cau lơh ală bơta behơ̆ rơp geh lik klàs sơl? Khai gơltac bơta ho bal mơ gam rgơi lik klàs sơl?’


Tài bơh khai neh sền òsơp di jơnau srat să ho nền, mơ neh gơltac bơta ho bal. Tài bơh khai neh at tê tòmho bal rau mơya khai gam lơh jơh ală bơta hơ̆ gen khai rơp ò geh lik klàs.’


Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?


Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”


Tơnơ̆ mơ tŭ Jang gơkòl ơm jàm, Yàng Jesu lòt tus hơ Galile, bơto yal Jơnau Niam Yàng Tom Trồ dê,


jat be ală cau bơh sơnròp neh gŏ nền mơ lơh cơng bal mơ ală cau duh broă jơnau Yàng dê yal wơl bol he in;


Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,


Kơnràñ lùp lah: “Ñchi broă taih?” Bol khai ho lah: “Broă gơtơntus di Yàng Jesu Cau Nasaret, la dô nă cau gơnoar hwơr gơs gơnoar pràn tòm broă lơh mơ jơnau đơs di đap Yàng Tom Trồ mơ làng bol sơl;


Bol mê kung rơp lơh cơng sơl, tài bơh bol mê neh ơm mơ Añ bơh sơnròp.”


bơh di tŭ Jang lơh ƀaptem jơl tus di ngai Yàng Jesu guh rê hơđang trồ bơh digùl bol he, pal gơs dô nă cau lơh cơng bal mơ bol he bơh bơta kis wơl Kơnràñ dê.”


Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.


Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”


nàng chồl nùs ală cau tòm jơi bơtiàn añ jê ƀoah, nàng dong klàs dô êt cau tòm mpồl bol khai.


Ơ cau cahrña di ală cau neh tìs ală bơta behơ̆ mơ să tòm he kung lơh tìs sơl, behơ̆ mê kơlôi lah să tòm mê rơp geh pleh klàs di bơta cahrña Yàng Tom Trồ dê sơl ơ?


Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.


Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.


Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.


Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.


Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,


Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?


tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.


Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.


Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.


Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.


mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,


kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.


Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,


Mơya, ơ ală oh mi kòñ gơboh, kah tĕ jơnau ală cau gơnoar bơto dờng Yàng Jesu Krist dê neh đơs lài.


mơ hòi driau dờng lah: “Bơta dong klàs gơrê bal mơ Yàng Tom Trồ bol he dê, la Bơtau nggui hơđang sơbàn, mơ gơrê bal mơ Belàt Kòn.”


Titsatireni:

Zotsatsa


Zotsatsa