Hebrơ 1:1 - Sră Goh 2018

¹ Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,

Hebrơ 1:1 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 6:3

Yàng Jehôwa đơs lah: “Hwềng Añ rơp ò ơm sùm tòm kòn mơnus, bơh kòn mơnus la poac să lơm, rài kòn mơnus rơp la dô rhiang bàr jơt nam dang.”

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Luka 1:55

Gơwèt hơ Abraham mơ jơi bơtiàn Kơnràñ dê jơl sùm sùm, Be Kơnràñ neh ho mơ ồng pàng bol he.”

Luka 1:72

Nàng yal tơlik bơta kòñ nđàc gơwèt mơ ồng pàng bol he, Mơ kah wơl bơta ho bal sàng goh Kơnràñ dê.

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Luka 24:44

Mơ Kơnràñ đơs mơ bol khai lah: “Do la jơnau Añ neh đơs mơ bol mê tòm tŭ Añ gam ơm bal mơ bol mê, mbe lơi ală bơta neh cih bơh Añ tòm sră boh lam Môise dê, tòm sră ală cau gơnoar hwơr mơ tòm Sră Đơs crih pal gơlik gơs di ngan.”

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 7:22

Môise neh ai bơta siat gơltau bol mê in, (bơta boh lam hơ̆ ò di bơh Môise, mơya bơh ồng pàng gơ dê), mơ bol mê siat gơltau cau klau in tòm ngai Saƀat.

Jang 9:29

Bol hi git Yàng Tom Trồ neh đơs mơ Môise, ai cau do gen bol hi ò git bơh lơi mơ tus.”

Broă 13:32

Ai bol hi, gen bơto yal ală oh mi in Jơnau Niam mơ Yàng Tom Trồ neh ho ai ồng pàng bol he in,

Broă 2:30

Mơ bơh khai la cau gơnoar hwơr, mơ git Yàng Tom Trồ neh ho nền lah rơp ai dô Bơtau tòm jơi bơtiàn khai nggui hơđang sơbàn khai dê,

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Broă 3:21

Bơtau hơ̆ pal geh ơm wơl hơđang trồ jơl tus di tŭ tơngai bơtào tơngguh wơl jơh ală phan, hơ̆ la bơta bơh yau òr mơ Yàng Tom Trồ neh kơnòm di bơr ală cau gơnoar hwơr sàng goh mơ đơs.

Hebrơ 11:18

bơh kòn hơ̆ mơ Yàng Tom Trồ yal lah: “Bơh tòm Isak rơp gơlik gơs jơi bơtiàn mê dê.”

Hebrơ 11:2

Ngan kơnòm di bơta dòn mơ ală cau rài yau neh geh lơh cơng niam.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Hebrơ 2:2

Bơh dilah jơnau cau gơnrơh neh yal la kơ̆ nền, mơ ală bơta tìs glài mơ ală bơta ò dòn bơr neh kong lơh glài dô bă di pal,

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Hebrơ 3:5

Môise ngan neh dòn song tòm jơh hìu Yàng Tom Trồ dê be dô nă cau dĭ gơna, nàng lơh cơng bơh ală bơta rơp đơs bơh tơnơ̆.

Hebrơ 4:8

Bơh dilah Jôsue neh ai bol khai in rlô mơ Yàng Tom Trồ neh ho, gen ngan Yàng Tom Trồ ò gam đơs bơh dô ngai ndai tai.

Hebrơ 5:5

Kung behơ̆ sơl, Bơtau Krist ò lơh gơklŏ is să tòm he in mơ lơh gơs cau gơnoar dờng lam bồ ơn phan duh khoai, mơya bơh Yàng Tom Trồ neh đơs mơ Kơnràñ lah: “Mê la Kòn Añ jê, Ngai do Añ neh tơnggơs Mê.”

Hebrơ 9:19

Bơh tòm tŭ Môise yal tơnggit ală bơta sồr lam bơta boh lam dê jơh làng bol in rau, gen khai ai mhàm kơnrồ kòn mơ be dam, mơ dà, ngui che phồng mơ sơnò belàt, mơ ntê chi nha gơ be nsồm, mơ rsìh hơđang dap sră mơ hơđang jơh làng bol,