Galati 3:2 - Sră Goh 2018

² Añ lùp oh mi mìng dô sèng do lơm: Hơ̆ la kơnòm bơh ală broă bơta boh lam dê hala bơh kơno mơ dòn tàng oh mi neh dòp geh Yàng Hwềng taih?

Galati 3:2 Mawu Ofanana

Broă 15:8

Yàng Tom Trồ la Bơtau git nùs tơl nă cau, neh lơh cơng Kơnràñ dòp rò bol khai tòm tŭ ai Yàng Hwềng Goh bol khai in kung be ai bol he in sơl.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 8:15

Bàr nă bol khai neh tus tềng hơ̆ rau gen hòi dan bol hơ̆ in tồ geh dòp Yàng Hwềng Goh,

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

I Kôrintô 9:21

Gơwèt mơ làng bol bơdìh añ kung be cau làng bol bơdìh, (bulah behơ̆, gơwèt mơ Yàng Tom Trồ, añ ò di la ò gơs bơta boh lam, mơya añ ơm hơđơm bơta boh lam Bơtau Krist dê), tồ geh cau làng bol bơdìh ơm bơdìh bơta boh lam cau Juda dê.

II Kôrintô 11:4

Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:3

Mbe oh mi tùl gơla behơ̆ taih? Oh mi neh sơntòm kơnòm di Yàng Hwềng, gen tŭ do oh mi kơnòm di poac să nàng lơh sir sơl ơ?

Galati 3:5

Yàng Tom Trồ ai Yàng Hwềng oh mi in mơ lơh ală broă crih crài digùl oh mi, tài bơh oh mi lơh ală broă bơta boh lam dê hala tài bơh oh mi kơno mơ dòn taih?

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Hebrơ 6:4

Bơh ò rgơi ngan ală cau neh geh pơnđàng sòl dô dơ̆ rau, neh git làm bơta ai gòi bơh đang trồ, neh gơs pơnah tòm Yàng Hwềng Goh,

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.