Este 9:4 - Sră Goh 2018

⁴ Bơh Mordike gơs gơnoar pràn ngan tòm gơlang bơtau, mơ bơta tiơng pơnro bơh khai neh yal làm jơh tòm ală kơnhwàl lơgar, khai sơlo ngai sơlo geh gơnoar pràn rlau tai.

Este 9:4 Mawu Ofanana

II Samuel 3:1

Neh gơs bơta tòmlơh jŏ jòng digùl hìu Dabit mơ hìu Sol. Dabit sơlo ơm sơlo pràn, tòm tŭ hìu Sol sơlo ngai sơlo lơbơn òsô.

I Yal Yau 11:9

Mơ Dabit sơlo ngai sơlo dờng màng gơs gơnoar pràn, tài bơh Yàng Jehôwa Gơnap Gơnoar Rlau Jơh ơm bal mơ khai.

I Yal Yau 14:17

Behơ̆ Dabit geh tiơng pơnro làm jơh kòp lơgar, mơ Yàng Jehôwa lơh jơh ală làng bol rngòt di khai.

Este 10:2

Jơh ală broă lơh tòm gơnoar pràn mơ bơta pràn, bal mơ jơh ală bơta dờng màng Mordike dê mơ cau bơtau neh yò tơngguh khai in, jơh ală bơta hơ̆ ò di neh geh cih tòm ală sră yal yau kòp nam ală cau bơtau Medi mơ Persia dê ò ơ?

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Đơs Crih 18:43

Yàng neh dong tă añ bơh di bơta tòmpìt tòmhà mơ ală làng bol, Bơtào añ lam bồ ală lơgar; Dô làng bol añ ò mòng git neh duh broă añ.

Đơs Crih 92:13

Bol khai geh tam tòm hìu Yàng Jehôwa dê, Gơlik bơkào tòm ƀlàng hìu Yàng Tom Trồ bol he dê.

Lik Ejiptơ 11:3

Yàng Jehôwa lơh làng bol in geh bơta nđàc di đap cau Ejiptơ, mơ să tòm Môise geh ală cau kwang duh broă Pharaôn mơ làng bol tòm Ejiptơ sền dờng màng.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Jôsue 6:27

Behơ̆ Yàng Jehôwa ơm bal mơ Jôsue, mơ khai geh tiơng pơnro tòm làm lơgar.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.