Este 9:3 - Sră Goh 2018

³ Jơh ală cau kwang at bồ tòm ală kơnhwàl, cau bơtau oh mơ ală cau kwang đơng lơgar, mơ ală cau kwang duh broă cau bơtau dê kung neh dong kòl ală cau Juda, tài bơh bol khai rngòt di Mordike.

Este 9:3 Mawu Ofanana

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 8:36

Bol khai kung jào sră cih jơnau gơnoar sồr cau bơtau dê ală cau bơtau oh bal mơ ală cau kwang at bồ kơnhwàl Đah Ne Hiòng in, gen bol khai dong kòl làng bol mơ hìu Yàng Tom Trồ dê.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 8:17

Tòm kòp kơnhwàl lơgar mơ tòm kòp ƀòn dờng, tiah lơi neh tus jơnau gơnoar sồr cau bơtau dê gen gơs bơta hòn chò hừh hơh digùl cau Juda, bal mơ bơta ñô sa dờng mơ ngai ơm rlô pơjum chò hòp. Mơ gơs oă cau tòm ală làng bol ndai neh gơlik gơs làng bol Israel tài bơh bol khai rngòt rngơt ngan di làng bol Israel.

Este 8:5

Este đơs lah: “Dilah niam nùs bơtau mơ dilah bơtau gơs nùs nđàc gơwèt mơ añ mơ kơlôi bơh bơta do la di pal lơh, mơ dilah bơtau niam nùs di añ gen dan bơtau cih tơlik dô jơnau gơnoar sồr nàng tă sang ală sră gơnoar sồr mơ Haman, kòn klau Hamedatha cau Agak neh bơtào gơs mơ neh cih nàng tơnroh ală làng bol Israel ơm tòm jơh ală kơnhwàl lơgar bơtau dê.

Este 8:9

Ală cau gơnoar cih bơtau dê geh hòi tus tòm tŭ hơ̆, tòm ngai bàr jơt pe kơnhai pe la kơnhai Siban. Bol khai cih jơh ală jơnau gơnoar sồr Mordike dê pơyoa tus hơ ală làng bol Israel mơ ală cau kwang đơng lơgar, ală cau kwang at bồ kơnhwàl mơ ală cau ryŭ ryơm tòm dô rhiang bàr jơt poh kơnhwàl bơh Jôa tus Ethiôpi, mơ ală jơnau sồr do geh cih tòm jơnau cih kòp kơnhwàl mơ jat jơnau đơs kòp làng bol dê, mơ kung pơyoa ală làng bol Israel in tòm jơnau cih mơ jơnau đơs bol khai dê.

Daniel 3:2

Gen bơtau sồr hòi jà ală cau kwang đơng lơgar, ală cau kwang at bồ kơnhwàl lơgar, ală cau kwang at bồ ling, ală cau kwang bơyai broă, ală cau kwang at bồ đam jàr, ală cau kwang at bồ cahrña, ală cau kwang cahrña, mơ ală cau kwang ndai at bồ tòm kơnhwàl lơgar, lòt tus nàng pơjum sa chò hòp ngai lơh sir rùp ràk mơ cau bơtau neh bơtào.