Este 9:1 - Sră Goh 2018

¹ Ngai jơt pe kơnhai jơt bàr la kơnhai Adar, tòm tŭ gơnoar sồr bơtau dê mơ bơta lơh nền bơtau dê pal geh lơh jat, tòm ngai do tòm tŭ ală cau sò tơm di cau Juda kơp kòñ geh pha rlau mơ bol khai, mơya bơta hơ̆ neh geh tòmgơl gơlik gơs dô ngai ală cau Juda geh wơl gơnoar pràn hơđang ală cau sò tơm bol khai dê.

Este 9:1 Mawu Ofanana

II Samuel 22:41

Yàng neh lơh ală cau sò tơm añ jê pơrlac dô bơh di añ, ală cau neh gơjrañ di añ; mơ añ neh tơnroh ală cau sò tơm di añ.

Este 3:13

Ală sră hơ̆ geh pơyoa bơh ală cau ling cèng tus hơ jơh ală kơnhwàl lơgar cau bơtau dê, cih gơnoar sồr nàng tơnroh, tơnchơt mơ pơndut tơnlồi jơh ală cau Juda, cau pơnu mơ cau kra, cau ùr mơ kơnòm dềt, mìng tòm dô ngai la ngai jơt pe kơnhai jơt bàr la kơnhai Adar, mơ phà kơñau ală phan mơna bol khai dê.

Este 3:7

Tòm nam jơt bàr rài at bồ bơtau Ahasuerus dê, tòm kơnhai dùl la kơnhai Nisan, bol khai tĕ phur (hơ̆ la tĕ khà) di đap Haman nàng sac rwah bơh ngai mơ kơnhai. Mơ khà neh tĕ di kơnhai jơt bàr la kơnhai Adar.

Este 8:12

Mìng tòm dô ngai làm jơh tòm kơnhwàl lơgar bơtau Ahasuerus dê, tòm ngai jơt pe kơnhai jơt bàr, hơ̆ la kơnhai Adar.

Este 8:6

Bơh mbe añ rgơi kong jai tòm tŭ sền gŏ bơta rung rài gơtơntus hơđang làng bol añ jê taih? Mbe añ rgơi kong jai tòm tŭ sền gŏ bơta tơnroh hìu nhă añ jê taih?”

Este 9:17

Bơta hơ̆ gơlik gơs tòm ngai jơt pe kơnhai Adar, mơ tòm ngai jơt poan bol khai ơm rlô mơ lơh ngai hơ̆ in gơlik gơs dô ngai pơjum sa mơ hòn chò.

Đơs Crih 18:40

Yàng kung lơh cau sò tơm wèt ngkòi di añ, Mơ añ tơnroh ală cau gơjrañ kơuềng di añ.

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Broă 12:11

Gen Pier kah wơl mơ đơs lah: “Tŭ do añ git nền ngan Yàng neh sồr cau gơnrơh Kơnràñ dê lòt dong tă añ lik klàs bơh di tê Herôt mơ bơta kơp gơn làng bol Juda dê.”

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”