Este 7:4 - Sră Goh 2018

⁴ Bơh bol hi neh gơkòl tac, añ mơ làng bol añ jê rơp gơkòl tơnroh, tơnchơt mơ lơh roh rui jơh. Dilah bol hi mìng gơkòl tac nàng gơs dĭ klau dĭ ùr gen añ neh ơm mŏ mŏ, mơya bơta cau sò tơm di bol hi tơm bơtau in ò rgơi pơndròm mơ bơta roh gơcoh mơ bơtau pal kong.”

Este 7:4 Mawu Ofanana

Nehemi 5:5

Tŭ do poac să bol hi dê kung be poac să oh mi he dê, ală kòn bol hi dê kung be ală kòn bol khai dê, do bol he neh kup bơklơn ală kòn klau mơ ală kòn ùr bol hi dê nàng lơh dĭ, mơ kung gơs kòn ùr bol hi dê neh kong kup cèng; mơya bol hi ò gơs gơnoar lơi, tài bơh ală mìr sre mơ ală suơn ño bol hi dê neh gơrê mơ cau ndai.”

Este 3:13

Ală sră hơ̆ geh pơyoa bơh ală cau ling cèng tus hơ jơh ală kơnhwàl lơgar cau bơtau dê, cih gơnoar sồr nàng tơnroh, tơnchơt mơ pơndut tơnlồi jơh ală cau Juda, cau pơnu mơ cau kra, cau ùr mơ kơnòm dềt, mìng tòm dô ngai la ngai jơt pe kơnhai jơt bàr la kơnhai Adar, mơ phà kơñau ală phan mơna bol khai dê.

Este 3:9

Dilah bơta do niam nùs bơtau gen dan bơtau tơlik dô bơta lơh nền nàng tơnroh bol khai, mơ añ rơp ơn jơt rbô talơng priă tòm tê ală cau kwang cau bơtau dê, nàng bol kai tơmut gơtòm đam jàr bơtau dê.”

Este 7:5

Bơtau Ahasuerus lùp Este lah: “Cau hơ̆ la ñcau taih? Ntềng đah cau khin lơh dô bơta behơ̆ taih?”

Este 7:6

Este đơs lah: “Cau sòdră mơ sò tơm la Haman cau iơh bơsak do.” Gen Haman rngòt rngơt ngan di đap bơtau mơ bau ùr bơtau.

Este 8:11

Bơh ală sră pơyoa do bơtau ai gơnoar cau Juda ơm tòm kòp nơm ƀòn dờng pơjum bal mơ sền gàr bơta kis bol khai dê, geh gơnoar tơnroh, tơnchơt mơ lơh roh rui jơh ală gơnoar pràn gơrê mơ làng bol lơi hala kơnhwàl lơi at phan brồ lơh bol khai bal mơ bau kòn bol khai dê, mơ kung geh gơnoar tòmpìt ai phan mơna bol khai sơl.

Este 8:6

Bơh mbe añ rgơi kong jai tòm tŭ sền gŏ bơta rung rài gơtơntus hơđang làng bol añ jê taih? Mbe añ rgơi kong jai tòm tŭ sền gŏ bơta tơnroh hìu nhă añ jê taih?”

Este 9:25

Mơya tòm tŭ kai gơrmơ̆i hơ̆ neh geh yal tơnggit cau bơtau in gen cau bơtau cih ală sră jơnau gơnoar sồr lah ală kai gơrmơ̆i iơh bơsak mơ Haman neh bơtào gơs sòdră di cau Juda gen pal tuh wơl hơđang bồ khai, mơ khai bal mơ ală kòn klau khai dê pal kong yồng hơđang jrong yồng cau.

Daniel 6:2

Hơđang bol khai gơs pe nă cau kwang đơng lơgar, mơ dô nă tòm pe nă cau hơ̆ la Daniel. Ală cau kwang at bồ kơnhwàl lơgar pal yal broă bol khai dê mơ pe nă cau kwang đơng lơgar hơ̆, tồ bơtau in ò kong bơta roh gơcoh lơi.

Jôel 3:6

Bơh bol mê neh tac làng bol Juda mơ Jerusalem di ală cau Grek, mơ ntròn bol khai ngài bơh di nhàr lơgar tòm bol khai dê.

Amôs 2:6

Yàng Jehôwa đơs be do: “Bơh tồi glài Israel dê, oă rlau mơ pe, poan dơ̆. Añ ò jùt sang bơta lơh glài bơh gơ, tài bơh bol khai tac cau song ring nàng ai priă, tac cau rƀah nàng ai dô yô gơltau jă.

Luka 12:45

Mơya, dilah cau dĭ hơ̆ đơs òm tòm nùs lah: ‘Cau tòm añ jê òbat tus,’ gen khai pù lơh ală dĭ klau dĭ ùr, mơ ñô sa bơñul lơmbè.

Yal Wơl 28:68

Yàng Jehôwa rơp lòi bol mê hào ơhò mơ rê wơl hơ Ejiptơ tòm dô nơm gùng lòt mơ Kơnràñ đơs lah bol mê rơp ò tŭ lơi lòt tai. Tềng hơ̆ bol mê rơp tac să tòm bol mê dê ală cau sò tơm bol mê in nàng lơh gơs ală cau dĭ klau mơ dĭ ùr, mơya ò gơs cau lơi rơp blơi bol mê.

Jôsue 9:23

Tŭ do bol mê gơkòl srat rma. Bol mê pal gơs cau koh lòng ơnòng dà tòm hìu Yàng Tom Trồ añ jê sùm sùm.”

I Samuel 22:23

Ơm tĕ mơ añ, bañ rngòt, cau jòi tơnchơt mê kung jòi tơnchơt añ sơl. Ơm mơ añ gen mê rơp geh lơngap lơngai.”