Este 5:4 - Sră Goh 2018

⁴ Este ho lah: “Dilah bơta do niam nùs bơtau, añ dan jà bơtau bal mơ Haman tòm ngai do lòt tus ñô sa tòm dô bơta yò sa mơ añ neh rcang bơtau in.”

Este 5:4 Mawu Ofanana

Sơnròp Gơlik Gơs 27:25

Gen Isak đơs lah: “Yò tĕ poac phan brê mê dê añ in sa nàng hwềng soàn añ ai lơngai mê in.” Jakôp yò khai in sa, kung cèng tơrnòm khai in ñô sơl.

Sơnròp Gơlik Gơs 32:20

mơ đơs be do: ‘Do, Jakôp cau dĭ kơnràñ dê jat bơh tơnơ̆ bol hi.’” Bơh khai kơlôi lah: “Añ cèng phan do ơn lài tồ Esau in rài bơta gơjrañ, gen tơnơ̆ añ rơp tìp mat mơ khai, digơlan khai rơp dòp rò añ.”

Este 1:9

Rlau mơ bơta hơ̆ tai, bau ùr bơtau la mò Basthi kung yò dô bơta ñô sa dờng ală cau ùr in tòm gơlang bơtau Ahasuerus dê.

Este 3:15

Ală cau geh kong sồr lik lòt sơrbac sơrbang jat jơnau gơnoar sồr cau bơtau dê, mơ bơta lơh nền neh geh yal tơlik tòm Susa la ƀòn dờng bơtau dê. Cau bơtau mơ Haman nggui ñô tơrnòm, mơya ƀòn dờng Susa gen sơlồng sơlàng.

Este 5:3

Gen cau bơtau đơs mơ Este lah: “Ơ Este bau ùr bơtau ñchi ai kòñ taih? Ñchi ai kòñ dan taih? Bulah tus di nggùl lơgar kung rơp ai ai in.”

Este 5:5

Cau bơtau đơs lah: “Cèng tĕ Haman tus mo nàng bol he rgơi lơh jat be bơta Este neh dan.” Behơ̆ bơtau mơ Haman lòt tus hơ bơta yò sa mơ Este neh rcang sir.

Este 5:8

Dilah añ geh bơta nđàc di đap bơtau, mơ dilah gơ niam nùs bơtau nàng ai bơta añ kòñ mơ lơh gơlik gơs bơta añ dan gen dan jà bơtau mơ Haman ngai hìng lòt tus hơ bơta ñô sa mơ añ rơp yò bơtau mơ Haman in, gen añ rơp ho wơl jơnau lùp bơtau dê.”

Đơs Crih 112:5

Lơngai cau lơi in gơs nùs sơrmah sơrmài mơ ai càn, Mơ lơh ală broă khai dê dô bă song ngan.

Jơnau Pơnđik 29:11

Cau tùl gơla ràng tơlik bơta gơhào gơjrañ he; mơya cau jak chài lơh rài gơ mơ pồn prap gơ wơl.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.