Este 5:2 - Sră Goh 2018

² Tòm tŭ cau bơtau gŏ Este ơm ntào tòm ƀlàng dơlam gơlang, khai niam nùs di Este mơ yơr Este in gai gơnoar màh khai at tòm tê. Behơ̆ Este tus rềp mơ ƀư di bồ gai gơnoar at bồ.

Este 5:2 Mawu Ofanana

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

Nehemi 1:11

Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Este 2:9

Cau ơruh hơ̆ niam nùs khai mơ geh bơta nđàc di đap khai. Tŭ hơ̆ mo, khai rcang ai Este in jơh ală phan ngui nàng bơka să lơh hàng mơnĕ mơ ală phan sa bơkah, bal mơ poh nă cau ùr duh broă bơh di gơlang bơtau, mơ ơn is khai mơ ală cau duh broă khai dê tòm ơdŭ niam rlau jơh tòm gơlang bau ùr bơtau dê.

Este 4:11

“Jơh ală cau kwang duh broă bơtau mơ làng bol tòm ală kơnhwàl bơtau dê git lah dilah cau klau hala cau ùr lơi lòt tus hơ cau bơtau tòm hìu dơlam mơ ò geh cau bơtau hòi tus gen cau bơtau gơs mìng dô bơta boh lam lơm: cau hơ̆ pal kong lơh glài tơnchơt. Mìng dilah bơtau yơr gai gơnoar at bồ cau hơ̆ in, gen cau hơ̆ rgơi geh kis. Să tòm añ òhềt geh hòi tus hơ cau bơtau neh dô kơnhai rau.”

Este 8:4

Bơtau yơr gai gơnoar màh Este in, gen Este guh mơ ntào di đap bơtau.

Đơs Crih 116:1

Añ kòñ gơboh di Yàng Jehôwa, tài bơh Kơnràñ neh kơno añ Mơ jơnau rac dan añ jê.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.