Este 4:3 - Sră Goh 2018

³ Tòm kòp kơnhwàl tiah lơi gơnoar sồr mơ bơta lơh nền bơtau dê neh tus, gen tềng hơ̆ gơs bơta ñìm rac moat jrùng digùl ală cau Juda, bal mơ bơta ơt sa, ñìm mơ rac ròc, mơ oă cau tòm bol khai soh ào ƀào sơnò kiat mơ bic tòm bùh.

Este 4:3 Mawu Ofanana

Este 1:1

Do la bơta neh gơlik gơs tòm rài Ahasuerus, la cau bơtau neh at bồ hơđang dô rhiang bàr jơt poh kơnhwàl bơh lơgar Jôa tus hơ lơgar Ethiôpi.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Este 4:2

Mơya khai mìng lòt tus di đap mpồng gơlang bơtau dê lơm, bơh ò gơs cau lơi soh ƀào sơnò kiat geh gơnoar mut tòm mpồng hơ̆.

Este 4:4

Tòm tŭ ală cau ùr duh broă Este dê mơ ală cau kwang kriau mò dê tus yal mò in, gen bau ùr bơtau moat jrùng ngan. Khai pơyoa ào jrùh Mordike in soh, nàng khai hồ ào ƀào sơnò kiat, mơya khai ò bài dòp gơ.

Este 9:31

mơ ai gơnoar sồr ală ngai Purim dê pal geh prap gàr tòm toh di tŭ neh lơh nền be Mordike la cau Juda mơ bau ùr bơtau la Este neh dô bă bal mơ cau Juda, jat be bol khai neh bơtào să tòm bol khai in, mơ ală kòn sau bol khai in, bơh tŭ tơngai ơt sa mơ ñìm rac bol khai dê.

Sră Jop 2:8

Jop ai dô nơm nsàng mơngàn nàng kwàc să mơ nggui tòm bùh.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Esai 58:5

Hơ̆ ò di la bơta ơt sa mơ Añ neh sac rwah, la dô ngai nàng dô nă cau pơndêt să ò ơ? Hơ̆ ò di la dô ngai dô nă cau in kun bồ kung be dô nơm gai proh, bic hơđang ƀào sơnò kiat mơ hơđang bùh ò ơ?

Ejekiel 27:30

Bol khai rơp nggà ñìm dờng rac ròc sràt bơtang bơh mê; bol khai rơp rsìh thul hơđang bồ bol khai dê mơ rlơ̆ să tòm bùh.

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Jôna 3:6

Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Mathiơ 13:42

gen sơrbì tòm brong ồs, tềng hơ̆ gơs bơta ñìm rac mơ rkiat sề.

Mathiơ 22:13

Gen cau bơtau sồr ală cau duh broă lah: ‘Cap tĕ tê jơng khai mơ sơrbì khai tòm tiah klam jơngo hơ bơdìh, la tiah rơp gơs ñìm rac mơ rkiat sề.’

Mathiơ 25:30

Ai cau dĭ ò kwơ do, sơrbì tĕ khai hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.’”

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

I Samuel 11:4

Tòm tŭ ală cau kong sồr lòt tus hơ Gibea ƀòn Sol dê mơ yal wơl ală jơnau hơ̆ làng bol in iat, gen jơh làng bol ñìm nggà dờng.