Este 2:5 - Sră Goh 2018

⁵ Mơ tai, gơs dô nă cau Juda tòm Susa sơnđan la Mordike kòn klau Jair sau Simei dê, se Kis la dô nă cau Benjamin dê,

Este 2:5 Mawu Ofanana

II Samuel 16:5

Tòm tŭ Dabit tus rềp di Bahurim, gơs dô nă cau bơh mpồl hìu nhă bal mơ Sol lik bơh hơ̆. Khai sơnđan la Simei kòn klau Gera, mơ khai lik mơ srat rma.

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

II Ală Bơtau 24:15

Khai cèng Jehôyakin tus hơ Babilôn; mè bơtau, ală bau ùr bơtau, ală cau kwang, ală cau jak chài tòm lơgar dê, khai kup cèng jơh hơ Babilôn.

Este 1:2

Tòm ală ngai hơ̆, tòm tŭ bơtau Ahasuerus nggui at bồ hơđang sơbàn bơtau khai dê tòm ƀòn dờng kơ̆ cê Susa,

Este 10:3

Mordike cau Juda la cau kwang at bồ tơnơ̆ mơ bơtau Ahasuerus, mơ khai geh gơnoar pràn digùl cau Juda, mơ geh sền dờng màng digùl ală oh mi cau Juda khai dê, tài bơh khai jòi jat bơta lơngai niam làng bol khai in, mơ neh đơs jơnau cèng bơta ring lơngai jơh jơi bơtiàn khai in.

Este 2:3

Dan bơtau pồ bơtào ală cau kwang tòm jơh ală kơnhwàl tòm lơgar bơtau dê nàng bol khai hòi pơjum jơh ală cau ơruh hàng mơnĕ hơ̆ tus hơ gơlang bau ùr bơtau dê tòm ƀòn dờng Susa, mơ jào Hegai in sền gàr; la kwang kriau duh broă bơtau dê, cau gơs gơnoar sền gàr ală cau ùr, mơ ai tĕ bol khai in ală phan ngui nàng bơka să.

Este 2:4

Mơ lòi tĕ cau ơruh lơi geh niam nùs bơtau gơlik gơs bau ùr bơtau ala Basthi.” Jơnau hơ̆ niam nùs bơtau gen khai lơh behơ̆.

Este 5:1

Tòm ngai pe Este soh ào jrùh bau ùr bơtau dê mơ ntào tòm ƀlàng hìu dơlam gơlang bơtau dê, di đap ơdŭ pơjum bơyai broă bơtau dê. Cau bơtau ơm nggui hơđang sơbàn khai dê tòm ơdŭ bơyai broă, wèt mat hơ mpồng mut tòm ơdŭ.

I Samuel 9:1

Gơs dô nă cau tòm jơi bơtiàn Benjamin, sơnđan la Kis, kòn klau Abiel, sau Jeror, se Bekôrat, set Aphiah, la dô nă cau pas sơm.