Este 2:13 - Sră Goh 2018

¹³ Tòm tŭ cau ơruh mut tus hơ bơtau, khai neh geh ai ală bơta lơi khai dan bơh di gơlang bau ùr bơtau dê.

Este 2:13 Mawu Ofanana

Este 2:11

Kòp ngai Mordike lòt rê di đap ƀlàng jơng gơlang bau ùr bơtau dê nàng sền mbe gơlơh Este ơm mơ ñchi bơta gơlik tus di khai.

Este 2:12

Lài mơ tŭ tus di bơta neh rơndap dô nă cau ơruh in nàng lòt tus hơ cau bơtau Ahasuerus, gen cau ơruh hơ̆ pal geh rcang lơh hàng mơnĕ tòm jơt bàr kơnhai jat bơta neh lơh nền ală cau ùr in, prau kơnhai ngui mơñà cài trŭ, prau kơnhai ngui mơñà ƀô bơlhu mơ ală phan ngui lơh hàng mơnĕ.

Este 2:14

Tòm trồ mho khai lòt tus tềng hơ̆ mơ tòm àng drim hìng khai rê wơl hơ dô nơm ơdŭ ndai tòm gơlang bau ùr bơtau dê hơđơm bơta sền gàr Saasgas la cau kwang kriau bơtau dê, cau sền gàr ală bau ùr cồng. Khai ò gŏ rê wơl hơ cau bơtau tai, mìng dilah cau bơtau niam nùs di khai mơ hòi sơnđan khai.