Este 1:3 - Sră Goh 2018

³ tòm nam dơ̆ pe rài at bồ khai dê, khai yò dô bơta ñô sa dờng jơh ală cau kwang at bồ mơ ală cau kwang duh broă khai in. Ală mpồl ling Persia mơ Medi dê mơ ală cau màng ryŭ mơ ală cau kwang dờng at bồ ală kơnhwàl neh gơs mat.

Este 1:3 Mawu Ofanana

Sơnròp Gơlik Gơs 40:20

Tus di ngai pe, la tòm toh di ngai deh Pharaôn, khai lơh dô bơta ñô sa ai cau lơh broă khai in, mơ khai toh cau kwang at bồ yò ñô, mơ cau kwang at bồ lơh ƀañ bơh di hìu jàm.

I Ală Bơtau 3:15

Gen Salômôn kah rngal, mơ git hơ̆ la dô bơta mpau. Khai rê wơl hơ Jerusalem, ntào di đap Đài Bơta Ho Bal Yàng Jehôwa dê mơ ơn ală phan ơn chu pơrguc bal mơ ală phan ơn bơta ring lơngai. Mơ khai yò sào dờng jơh ală cau kwang duh broă khai in.

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Este 1:14

mơ ơm rềp rlau jơh mơ cau bơtau hơ̆ la: Karsena, Sethar, Atmatha, Tarsis, Meres, Marsena, mơ Memukan, la poh nă cau kwang at bồ tòm lơgar Persia mơ Medi dê, la ală cau gơs gơnoar lòt tus rềp mơ bơtau mơ la ală cau nggui tiah sơnròp tòm lơgar bơtau dê):

Este 1:4

Tŭ hơ̆ bơtau ràng tơlik bơta pas gơs dờng lơgar bơtau khai dê mơ ryŭ ryơm bơh gơnoar at bồ khai dê tòm oă ngai, jơh ală la dô rhiang phàm jơt ngai.

Este 2:18

Mơ cau bơtau yò dô bơta ñô sa dờng ală cau màng ryŭ mơ ală cau kwang at bồ mơ ală cau duh broă bơtau in. “Bơta yò sa dờng Este.” Bơtau kung ai dô ngai ơm rlô tòm kơnhwàl lơgar mơ ai phan pà jat bơta pas sơm dờng ơnàng bơtau dê.

Este 3:7

Tòm nam jơt bàr rài at bồ bơtau Ahasuerus dê, tòm kơnhai dùl la kơnhai Nisan, bol khai tĕ phur (hơ̆ la tĕ khà) di đap Haman nàng sac rwah bơh ngai mơ kơnhai. Mơ khà neh tĕ di kơnhai jơt bàr la kơnhai Adar.

Esai 21:2

Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Daniel 5:1

Bơtau Belsassar yò sa dờng dô rbô nă cau kwang dờng khai in, mơ bơtau ñô tơrnòm bal mơ bol khai.

Daniel 5:28

Parsin la: cah is bàr pơnah, lơgar bơtau rơp gơkòl cah is mơ jào cau Medi mơ cau Persia in.”

Daniel 6:1

Bơtau Darius niam nùs pồ bơtào dô rhiang bàr jơt nă cau kwang at bồ kơnhwàl lơgar nàng at bồ jơh ală kơnhwàl tòm lơgar.

Daniel 8:20

Belàt dam gơs bàr nơm ngke mơ mê neh gŏ hơ̆ sơnio bơh ală bơtau lơgar Medi mơ Persia dê.

Jơnau Niam Jat Mak 6:21

Di tŭ lơmpah gơtìp di ngai pơjum sa kah ngai deh Herôt dê, khai yò bơta ñô sa mho jà ală cau kwang dờng, ală cau at bồ ling, bal mơ ală cau dờng màng tòm Galile.