Este 1:12 - Sră Goh 2018

¹² Mơya bau bơtau la mò Basthi ò bài tus, jat gơnoar sồr bơtau dê mơ ală cau kwang kriau neh yal. Tòm bơta do, bơtau gơhào nùs mơ bơta gơjrañ duh ngan tòm nùs khai dê.

Este 1:12 Mawu Ofanana

Sơnròp Gơlik Gơs 3:16

Kơnràñ đơs mơ cau ùr lah: “Añ rơp bơtơl bơta bòl glar tòm tŭ ai gơs bun, ai rơp gơs jê sồt kòp dơ̆ ai deh kòn. Bơta gơboh ai dê rơp gơtơmut đah bau klau ai, mơ bau klau ai rơp at bồ ai.”

Este 1:11

cèng bau ùr bơtau dê la Basthi tus di đap bơtau, tơndau sơgơn bơtau khai in tồ ràng tơlik bơta hàng mơnĕ khai di đap làng bol mơ ală cau kwang at bồ in, bơh khai sền hàng mơnĕ ngan.

Este 1:13

Gen cau bơtau lùp bơta kơlôi sơnơng ală cau git jak bơh bơta boh lam (bơh bơta do, jat bơta òs mòng bơtau đơs mơ ală cau jak chài la cau git wă bơta boh lam mơ bơta òs yau,

Este 7:7

Cau bơtau ñă ntào gơhào gơjrañ ngan, sang lòi tơrnòm mơ lik lòt hơ suơn gơlang dê. Mơya Haman ơm wơl rac dan Este dong klàs bơta kis khai dê, tài bơh khai đal git cau bơtau neh lơh nền nàng tơnroh khai.

Đơs Crih 74:1

Ơ Yàng Tom Trồ, ñchi bơh tài Kơnràñ sang lòi bol hi sùm sùm taih? Ñchi bơh tài bơta gơjrañ Kơnràñ dê gơguh be ñhŭ tòmsò di mpồl belàt tòm ƀlàng ñhơt Kơnràñ dê taih?

Đơs Crih 79:5

Ơ Yàng Jehôwa, gam nđò jŏ taih? Kơnràñ rơp gơhào gơjrañ sùm sùm sơl? Bơta ƀoah gơjrañ dờng Yàng dê rơp sa be ồs sơl ơ?

Lik Ejiptơ 32:19

Tòm tŭ Môise tus rềp di sàl gŏ kơnrồ kòn mơ bơta tòmya, gen bơta gơjrañ khai dê gơhào khuh mơ khai sơrbì ală mpàn bơh di tê khai, jan bơcah lề lac di jơng mơnơm.

Lik Ejiptơ 32:22

Arôn ho lah: “Dan bañ gơjrañ, ơ yàng añ jê, kơnràñ git lah làng bol do jak lơh bơta iơh!

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Jơnau Pơnđik 20:2

Bơta gơjrañ dờng bơtau dê tòm toh be klìu triă ơluh ơhùm; cau lơi lơh khai in gơhào gơjrañ ngan lơh iơh di bơta kis he.

Daniel 2:12

Tài bơh bơta hơ̆ cau bơtau gơhào gơjrañ ngan, mơ ai jơnau sồr tơnchơt jơh ală cau jak chài Babilôn dê.

Daniel 3:13

Tŭ hơ̆, bơtau Nebukatnessar gơjrañ ngan, sồr cèng Sadrak, Mesak, mơ Abetnegô tus, gen ală cau hơ̆ kòl cèng tus di đap cau bơtau.

Daniel 3:19

Tŭ hơ̆, bơtau Nebukatnessar gơhào gơjrañ dum muh dum mat gơwèt mơ Sadrak, Mesak mơ Abetnegô, mơ ai jơnau sồr sing ồs duh hơng poh dơ̆ rlau mơ òs,

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Ephesô 5:22

Ơ cau la bau ùr, dòn duh tĕ bau klau ai dê, kung be gơwèt mơ Yàng.

Ephesô 5:24

Behơ̆ tàng be Hìu Jum Goh dòn duh Bơtau Krist gen bau ùr kung pal dòn duh bau klau he tòm jơh ală bơta sơl.

Yal Wơl 29:20

Yàng Jehôwa rơp ò tŭ lơi kòñ toh glài khai; bơh bơta gơjrañ dờng mơ bơta duh hul Kơnràñ dê rơp chu pơrguc tòmdră mơ bol khai. Jơh ală jơnau srat sơntơm neh cih tòm sră do rơp dùh hơđang bol khai, mơ Yàng Jehôwa rơp jùt sang sơnđan mat bol khai dê bơh hơđơm trồ.

I Pier 3:1

Kung behơ̆ sơl, ơ ală cau la bau ùr, dòn duh tĕ bau klau ai di, tồ dilah gơs bau klau lơi ò dòn jat jơnau Yàng, bulah bol ai ò ai jơnau Yàng nàng bơto bol khai, mơya bol khai kung rgơi kơnòm di bơta lơh lòt bol ai dê mơ gơlik gơs cau dòn,