Esai 24:8 - Sră Goh 2018

⁸ Ntas sơnggơr chò hòp ò gam tai, ală sap nggồr nggàc neh dơh wơl, sap kơñi rơs bơkah tồr ò gam tai.

Esai 24:8 Mawu Ofanana

Sră Jop 3:7

Ngan, lòi mang hơ̆ gơlik gơs be cau ùr kơnền, Bañ lòi jơnau driau chò geh kơno tòm mang hơ̆!

Sră Jop 30:31

Kơñi pĕ añ jê gơlik gơs ntas rac ròc, Mơ tơliă añ jê gơlik sap moat jrùng.”

Đơs Crih 137:2

Bol hi yồng kơñi pĕ bol hi dê Hơđang chi nrài dà tềng hơ̆.

Esai 16:10

Bơta chò hòp chò hòn neh tă tơlik bơh ală suơn sa plai; mơ tòm suơn ño ò gơs cau lơi đơs chò hala driau chò; ò gơs cau lơi pơrjă plai ño tòm tiah mpal pat tơrnòm, bơh Añ neh pơndut jơnau driau chò ală cau pơrjă ño dê.

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Esai 5:14

Behơ̆ tàng lơgar làng ƀồc sơlo pò ơnàng bơta jơgloh tơhìr gơ dê, mơ ha bơr dờng ngan ò git lơh; ală cau ryŭ ryơm Jerusalem dê mơ làng bol oă mơ jơh ală cau hòn chò tòm khai mù tềng hơ̆.

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 25:10

Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Ñìm Rac 5:14

Ală cau dờng cau kra ò gam nggui di mpồng ƀòn, Mpồl pơnu ò gam lơh kơñi đơs chò.

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Ejekiel 28:13

Mê neh ơm tòm suơn Eden, la suơn Yàng Tom Trồ dê; Mê neh geh bơka să mơ tơl ală lŭ màng: lŭ kĕ pơrhê, lŭ kĕ rmit, lŭ kĕ màng, lŭ màng tơlir, lŭ màng pơrhê, lŭ màng gơcrà, lŭ màng tơlir trồ, lŭ kĕ tơlir, lŭ màng tơlir ñhơt. Jơh ală lŭ màng hơ̆ geh lơh bal mơ màh mơ rcang sir tòm ngai mê geh crơng gơs.

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Amôs 6:7

Gen tàng bol mê rơp la ală cau sơnròp kong kup cèng gơs dĭ, mơ bơta pơjum kơnhơl chò hòp bơh bơta lòt yơng rơp jơh.

Yal Tơlik 18:22

Ò gơs tŭ lơi cau kơno tai di tiah ai dê gơs jơnau ntas pĕ kơñi, uh kơwào, uh kơmboat, mơ tềng hơ̆ rơp ò gơs tŭ lơi gŏ tai cau chài lơh broă, bulah lơh broă lơi kung ò gŏ sơl; kung ò gơs tŭ lơi kơno jơnau ntas cau piah di mpal tai.