Esai 18:2 - Sră Goh 2018

² mê sồr cau ala mat bơh di hiòng Nil, hào plung lơh mơ proh hơđang dàlềng. Ơ bol mê la ală cau kong sồr sơrbac sơrbang ne, lòt tĕ tus hơ dô nơm làng bol jơnhoa mơ gơltau àng gơcrà, tus hơ dô làng bol rngòt tiah ngài mơ rềp, tus hơ dô nơm lơgar pràn kơldang mơ tòmpìt sơmbrơt, la ù tiah tòmcah bơh ală hiòng dà.

Esai 18:2 Mawu Ofanana

II Yal Yau 14:9

Jerah la cau Ethiôpi guh lòt tòmlơh mơ cau Juda, bal mơ dô mpồl ling dô tơlak sa nă mơ pe rhiang rơndeh lòs tus hơ Maresa.

II Yal Yau 16:8

Ală cau Kus mơ cau Libi ò di la dô mpồl ling dờng bal mơ oă rơndeh lòs tòmlơh mơ cau ling hào ơseh ò ơ? Bulah behơ̆, tòm tŭ bơtau dòn kơnòm di Yàng Jehôwa, Kơnràñ neh jào bol khai tòm tê bơtau.

Sră Jop 9:26

Bol gơ lòt gan mhar kung be ală plung lơh mơ gle mơ đơr, Kung be ală klàng bung srà mù kup phan sa.

Lik Ejiptơ 2:3

Mơya tòm tŭ khai ò rgơi pồn jŏ rlau tai, gen khai ai dô nơm bài tàñ mơ proh, lềr gơ mơ cài nho, lồc behơ̆ khai ơn kòn dềt tòm dơlam gơ, mơ cèng gơ pơđồng tòm dà digùl ală tòm proh di gah hiòng Nil.

Esai 18:7

Tòm tŭ hơ̆ phan pà rơp geh cèng ơn Yàng Jehôwa Gơnap Gơnoar Dờng in bơh dô nơm làng bol să jơnhoa gơltau àng gơcrà, dô nơm làng bol pal rngòt bơh tòm tiah ngài mơ tiah rềp, dô nơm làng bol jak tòmpìt sơmbrơt pràn kơldang, dô nơm lơgar ù tiah tòmcah bơh ală hiòng dà, tus hơ mơnơm Siôn la tiah gơrê mơ sơnđan Yàng Jehôwa Gơnap Gơnoar Dờng dê.

Jeremi 49:14

Do la jơnau mơ Yàng Jehôwa neh ai añ in kơno, Mơ gơs dô nă cau kong sồr geh sồr tus digùl ală lơgar: Pơjum bal tĕ lòt sò lơh khai! Ñă ntào tĕ mơ tòmlơh!

Ejekiel 30:9

Tòm ngai hơ̆, Añ rơp sồr cau kong sồr lòt tòm ơhò tus lơh cau Ethiôpi ơm lơngap lơngai in pal rngòt rngơt. Bơta moat jrùng rơp tus hơđang bol khai tòm ngai rung rài Ejiptơ dê; bơh bơta hơ̆ ngan rơp tus.

Apdia 1:1

Do la bơta gơtơnggŏ Apdia dê. Jehôwa Yàng Tom Trồ đơs bơh Edôm be do: “Bol he neh kơno jơnau yal bơh Yàng Jehôwa, mơ gơs dô nă cau kong sồr geh sồr lòt tus digùl ală làng bol mơ đơs lah: ‘Guh tĕ, mơ bol he lòt tĕ tòmdră mơ gơtòm bơta tòmlơh.’

Habakuk 1:7

Bol khai la dô làng bol pal rngòt mơ cù kìr; bol khai bơtào is bơta song ring mơ dờng màng să tòm bol khai dê.

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.