Ephesô 6:4 - Sră Goh 2018

⁴ Ơ cau la bèp, bañ lơh kòn he in gơjrañ, mơya ngui tĕ bơta lơh glài tơmàl mơ jơnau bơto tơngkah Yàng dê nàng ròng siam bol khai.

Ephesô 6:4 Mawu Ofanana

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

Jơnau Pơnđik 19:18

Pù tơmàl tĕ kòn mê dê tòm tŭ gam bơta gơn kơnòm; mơya bañ gơs nùs kòñ tơnchơt khai.

Jơnau Pơnđik 22:15

Bơta bơrngơl gơla neh kơt tòm nùs kòn dềt; mơya mơng pù tơmàl rơp lơh bơta hơ̆ lik ngài.

Jơnau Pơnđik 22:6

Bơto tĕ kòn dềt in dô nơm gùng di khai pal jat; bulah tŭ khai neh kra, kung ò tŭ lơi sang lòi gơ.

Jơnau Pơnđik 29:15

Gai mơng mơ bơta lah pơrhơng ai gòi bơta jak chài; ai cau kơnòm să lòt gơlềng gơlàng lơh ƀàssìl mè khai in.

Jơnau Pơnđik 29:17

Pù tơmàl tĕ kòn mê, gen khai rơp ai bơta ring lơngai mê in, mơ lơh hwềng soàn mê in geh hòn chò hừh hơh.

Esai 38:19

Ală cau kis, mìng cau kis; bol khai jòng ro Kơnràñ kung be añ lơh ngai do; cau bèp rơp yal kòn sau khai in git bơta dòn song Kơnràñ dê.

Ephesô 6:3

“Tồ mê in geh lơngai mơ kis jŏ hơđang ù.”

Yal Wơl 4:9

Mìng pal kơrhia mơ sền gàr nền cê să tòm bol mê dê tồ bol mê ò hŭi ală bơta mơ mat bol mê neh sền gŏ, hala sang lòi ală bơta hơ̆ bơh di nùs tồr bol mê tòm jơh rài kis bol mê dê. Bơto ală bơta hơ̆ ală kòn sau bol mê in, mơ ală kòn sau tơnơ̆ mơ bol khai tai.

Yal Wơl 6:7

Yal wơl tĕ ală bơta hơ̆ ală kòn sau bol mê in, đơs tĕ bơh ală bơta hơ̆ tòm tŭ bol mê nggui tòm hìu mơ tòm tŭ bol mê lòt rò gùng, tòm tŭ bol mê bic rlô mơ tòm tŭ bol mê guh.

Kôlôse 3:21

Ơ cau la bèp, bañ bơrcek kòn he, rngòt bol khai gơplơ̆ nùs mòn.

II Timôthe 1:5

Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

Ală Kwang Cahrña 13:12

Gen Manôa lùp lah: “Tòm tŭ jơnau ồng gơlik di ngan gen rài kis mơ broă lơh kòn dềt hơ̆ di rơp jat bơta sồr lam lơi taih?”