Ephesô 5:3 - Sră Goh 2018

³ Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

Ephesô 5:3 Mawu Ofanana

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 119:36

Dan lơh nùs añ in wèt hơ ală jơnau sồr kràñ cê Yàng dê; Bañ lòi añ wèt hơ bơta hàm hà.

Lik Ejiptơ 18:21

Mơya sac rwah tĕ tòm mpồl làng bol ală cau klau chài rgơi, duh rngòt di Yàng Tom Trồ, rgơi dòn kơnòm, gơjrañ di cồng nha ƀơ̆ ƀơl, pồ bơtào bol khai gơs cau at bồ, cau ƀà hơđang dô rbô nă, cau ƀà hơđang dô rhiang nă, cau ƀà hơđang pram jơt nă, mơ cau ƀà hơđang jơt nă.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Jơnau Pơnđik 28:16

Kwang siơ̆u bơta git wă kung rồn bơklơn cau oă; ai cau gơjrañ di bơta sềt pơniă rơp geh kis jŏ.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Lebi 15:18

Tòm tŭ dô nă cau klau bic mơ dô nă cau ùr mơ gơlik jat òs gơ dê gen jơh bàr nă pal um mơ dà, mơ bol khai gơlik ò goh jơl tus di trồ mho.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Khà Làng Bol 25:1

Tòm tŭ Israel ơm tòm Sittim, ală cau klau rơp sơntòm tìs glài rềs àr mơ ală cau ùr Môap.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 20:33

Añ ò hàm hà priă, màh hala ồi ào cau lơi dê ò.

Rôma 1:29

Bol khai bềng lìu jơh ală bơta ò song ring, iơh bơsak, hàm hà, bih khih, bềng nùs ƀoah gơjrañ, tơnchơt cau, tòmpìt tòmhà, lac lèo, iơh rmơh,

Rôma 16:2

Dan oh mi wă rò khai tòm Yàng dô bă di pal mơ cau sàng goh, mơ dong kòl khai tòm broă khai kơnòm di oh mi bơh să tòm khai neh dong kòl oă cau, mơ kung dong kòl añ sơl.

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

I Kôrintô 10:8

Bol he kung bañ tìs glài rềs àr bơrnàn be cau bà tòm bol khai neh tìs, mơ tòm dô ngai neh gơplơ̆ chơt bàr jơt pe rbô nă cau.

I Kôrintô 5:1

Neh kơno lah tòm mpồl oh mi gơs glài rềs àr bơrnàn, mơ bơta rềs àr bơrnàn hơ̆ kung ò di gơs digùl cau làng bol bơdìh, hơ̆ la dô nă cau tìs glài mơ bau ùr bèp khai dê.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

I Kôrintô 6:18

Pleh tĕ di bơta rềs àr bơrnàn. Kòp nơm glài cau lơh la bơdìh să jan, mơya cau lơi tìs glài rềs àr bơrnàn, hơ̆ la tìs glài tòmdră mơ să jan he.

II Kôrintô 12:21

Kung rngòt lah dơ̆ añ lòt tus, gen Yàng Tom Trồ añ jê lơh añ in ƀàssìl bơh oh mi, mơ añ pal moat jrùng bơh oă cau neh tìs glài lài òr, mơ ò bài gơjrañ sang glài bơh bơta ngkòr ngkàc, rềs àr bơrnàn, bung jang mơ bol khai neh tìs.

Ephesô 5:12

bơh ală bơta bol khai lơh tòm tiah ndơp ndơr, đơs bơh bơta hơ̆ gen neh ƀàssìl rau.

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

I Tesalônika 4:3

Bơh nùs kòñ Yàng Tom Trồ dê, hơ̆ la oh mi gơlik gơs sàng goh, bañ tìs glài rềs àr bơrnàn.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.

II Timôthe 3:2

Bơh cau rơp kòñ gơboh di să tòm he, hàm hà jền priă, jòng să, pơnhừ să, bơrsèl tơnhial, ò dòn bơr mè bèp, ò kah bơta nđàc, ò sàng goh,

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,

Sră Pơyoa Pol Dê Pơyoa Tit In 2:3

Ală mò kra kung behơ̆ sơl, pal lơh lòt jat bơta sàng goh, ò di đơs iơh, ò di lơh gơs dĭ tơrnòm alak dê, mơya pal lơh gơs cau bơto bơta niam,

Hebrơ 12:16

bañ gơs cau lơi tìs glài rềs àr bơrnàn, hala cau jat dunnia be Esau, khai tac gơnoar kòn tơnhoa khai dê, mìng dòp dô nơm phan sa lơm.

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

II Pier 2:10

lài ngan la ală cau lơh lòt jat nùs hàm kòñ is ngkòr ngkàc poac să dê, mơ sền òsơp di ală gơnoar Yàng dê.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

Yal Tơlik 9:21

Bol khai kung ò gơjrañ sang glài bơh ală glài bol khai dê la tơnchơt cau, juh proh pơlìn, rềs àr bơrnàn, mơ ntung kơñau.

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.