Ephesô 3:5 - Sră Goh 2018

⁵ tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Ephesô 3:5 Mawu Ofanana

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Mathiơ 13:17

Di ngan Añ đơs mơ bol mê, gơs oă cau gơnoar hwơr mơ cau song ring neh kòñ gŏ ală bơta bol mê gŏ mơ ò geh gŏ, kòñ kơno ală jơnau bol mê kơno mơ ò geh kơno.”

Mathiơ 20:7

Bol khai ho lah: ‘Tài bơh ò gơs cau ơpah bol hi.’ Cau tòm đơs mơ bol khai lah: ‘Bol mê kung mut tĕ tòm suơn ño añ jê.’

Mathiơ 23:34

Gen tàng, Añ sồr ală cau gơnoar hwơr, ală cau jak chài, mơ ală cau bơto bơta boh lam tus hơ bol mê; gen cau ƀà bol mê rơp tơnchơt mơ pơng hơđang chi pơng, cau ndai bol mê rơp pù lơh tòm hìu jum, mơ kup kơryan bol khai bơh ƀòn dờng do tus ƀòn dờng ne.

Luka 10:24

Bơh Añ đơs mơ bol mê, neh gơs oă cau gơnoar hwơr mơ cau bơtau kòñ gŏ ală bơta bol mê gŏ, mơ ò geh gŏ; kòñ kơno ală jơnau bol mê kơno mơ ò geh kơno.”

Luka 11:49

Gen tàng bơta jak chài Yàng Tom Trồ dê kung neh đơs lah: ‘Añ rơp sồr ală cau gơnoar hwơr mơ ală cau gơnoar bơto dờng lòt tus hơ bol khai; bol khai rơp tơnchơt cau do, kup kơryan cau ne.’

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Broă 10:28

Khai đơs mơ bol hơ̆ lah: “Să tòm oh mi neh git lah cau Juda ò geh gơnoar tòmklac bal hala lòt rê mơ cau lơi tòm làng bol ndai, mơya Yàng Tom Trồ neh yal añ in git ò di sền dô nă cau lơi la ƀơ̆ ƀơl hala ò goh.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 2:10

Ală bơta hơ̆ Yàng Tom Trồ neh yal tơlik gan di Yàng Hwềng Goh; bơh Yàng Hwềng sền sơwì jơh ală bơta, bulah bơta jrô ndơp Yàng Tom Trồ dê.

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

Ephesô 3:9

mơ lơh jơh tơl nă cau in git loh bơh bơta rơndap broă ndơp ndơr dê, neh pồn ndơp bơh ală rài yau tòm Yàng Tom Trồ la Bơtau crơng gơs jơh ală phan.

II Pier 3:2

tồ oh mi in kah jơnau ală cau gơnoar hwơr sàng goh neh đơs lài, mơ bơta sồr lam Yàng dê la Yàng Dong Klàs neh kơnòm di ală cau gơnoar bơto dờng oh mi dê yal wơl.

Jude 1:17

Mơya, ơ ală oh mi kòñ gơboh, kah tĕ jơnau ală cau gơnoar bơto dờng Yàng Jesu Krist dê neh đơs lài.