Ephesô 3:2 - Sră Goh 2018

² ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

Ephesô 3:2 Mawu Ofanana

Broă 13:2

Tòm tŭ bol khai ơm duh khoai Yàng mơ ơt sa, gen Yàng Hwềng Goh đơs lah: “Ơn is tĕ Banaba mơ Sol tòm broă lơh Añ neh hòi sac bol khai.”

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 22:21

Yàng đơs mơ añ lah: ‘Lòt tĕ, bơh añ rơp sồr mê lòt tus hơ ală làng bol bơdìh tòm tiah ngài.’”

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 11:13

Añ đơs mơ oh mi la cau làng bol bơdìh: añ gam la cau gơnoar bơto dờng làng bol bơdìh kàr lơi, gen añ rơp lơh màng ryŭ gơnoar broă añ jê kàr hơ̆,

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

I Kôrintô 4:1

Behơ̆, kòp nă sền tĕ di bol hi kung be cau duh broă Bơtau Krist dê, mơ kung be cau at bồ hìu sền gàr ală bơta ndơp ndơr Yàng Tom Trồ dê.

Galati 1:13

Oh mi ngan neh kơno bơh bơta ngac ngar lài òr añ jê tòm gùng duh khoai cau Juda dê, be añ neh kup kơryan mơ lơh gơprah gơpring Hìu Jum Goh Yàng Tom Trồ dê ò git lơh;

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.

Ephesô 3:7

Ai añ neh geh lơh gơs cau gơnoar duh broă Jơnau Niam hơ̆ dê, jat be bơta nđàc ai gòi Yàng Tom Trồ dê, mơ Kơnràñ neh ai añ in jat bơta lơh broă gơnap gơnoar Kơnràñ dê.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 3:9

mơ lơh jơh tơl nă cau in git loh bơh bơta rơndap broă ndơp ndơr dê, neh pồn ndơp bơh ală rài yau tòm Yàng Tom Trồ la Bơtau crơng gơs jơh ală phan.

Ephesô 4:21

ngan oh mi neh kơno bơh Kơnràñ mơ geh bơto tòm Kơnràñ, jat be jơnau song tòm Yàng Jesu.

Ephesô 4:7

Mơya neh ai bơta nđàc kòp nă cau in tòm bol he jat be rnoas bơta ai gòi Bơtau Krist dê.

Kôlôse 1:4

bơh bol hi neh kơno bơh bơta dòn oh mi dê tòm Yàng Krist Jesu mơ bơh bơta kòñ gơboh oh mi dê gơwèt mơ jơh ală cau sàng goh;

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

I Timôthe 1:11

jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

I Timôthe 1:4

đơs tĕ bol khai in bañ iat ală jơnau gơlềng gơlàng mơ ală jơnau jòi yau jat jơi ò lồi, la ală jơnau lơh gơlik bơta tòm pơndang bal mơya ò kwơ tòm broă at bồ hìu Yàng Tom Trồ dê tòm bơta dòn.

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 1:11

Bơh Jơnau Niam hơ̆ tàng añ neh geh pồ bơtào lơh gơs cau bơto Jơnau Niam, cau gơnoar bơto dờng mơ cau bơto;