Ephesô 3:16 - Sră Goh 2018

¹⁶ Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Ephesô 3:16 Mawu Ofanana

Sră Jop 23:6

Kơnràñ rơp tòmlơh mơ añ tòm gơnap gơnoar dờng Kơnràñ dê ơ? Ò di, mơya Kơnràñ rơp ai tồr iat añ.

Đơs Crih 138:3

Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

Đơs Crih 28:8

Yàng Jehôwa la bơta pràn kơldang làng bol Kơnràñ dê, La tiah kìng crŭ ring lơngai cau geh bong mơñà Kơnràñ dê.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Sacari 10:12

Añ rơp ai bol khai in bơta pràn kơldang tòm Yàng Jehôwa, mơ bol khai rơp lòt tòm sơnđan Kơnràñ dê,” Yàng Jehôwa đơs behơ̆.

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

II Kôrintô 4:16

Behơ̆ tàng bol he ò gơplơ̆ nùs, bulah cau đah bơdìh rhòi siar roh mơya cau đah dơlam kư̆ sơlo ngai sơlo tòmgơl pa.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 3:15

bơh Kơnràñ mơ jơh ală jơi bơtiàn hơđang trồ mơ tòm ù geh tơmoh sơnđan.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

I Pier 3:4

mơya ai tĕ hwềng nùs niam lơnhơn mơ ring lơngai nàng sơmpô đah dơlam nùs, hơ̆ la bơta sơmpô ò ồm lề mơ màng ngan di đap Yàng Tom Trồ.