9 kung ò di bơh broă lơh ò, tồ ò gơs cau lơi jòng să.
Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc.
Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.
Bơh dilah Abraham neh geh kòp la song ring bơh broă lơh, gen khai gơs bơta nàng jòng să; mơya di đap Yàng Tom Trồ ò di behơ̆ ò.
Bulah bàr nă kòn òhềt deh, kung òhềt lơh broă lơi niam hala iơh, tồ bơta lơh nền Yàng Tom Trồ dê jat bơta sac rwah gam sùm, ò di jat broă lơh mơya jat Yàng Tom Trồ hòi sac,
Gen bơta hơ̆ ò di bơh cau lơi kòñ hala cau lơi jòi jat mơ geh ò, mơya hơ̆ la bơh Yàng Tom Trồ nđàc sơngit.
Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,
