Ephesô 2:8 - Sră Goh 2018

⁸ Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Ephesô 2:8 Mawu Ofanana

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 20:9

Ală cau lơh ơpah bơh pram jơ mho, kòp nă dòp leng dô dơnie.

Jơnau Niam Jat Mak 16:16

Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Luka 7:50

Mơya Kơnràñ đơs mơ cau ùr lah: “Bơta dòn ai neh dong klàs ai; rê tĕ lơngap lơngai.”

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Jang 6:65

Kơnràñ đơs lah: “Tài bơh hơ̆ tàng Añ neh đơs mơ bol mê lah dilah Bèp ò ai, gen ò gơs cau lơi rgơi lòt tus hơ Añ.”

Broă 13:39

Kơnòm di Kơnràñ kòp nă cau lơi dòn gen geh hồ toh, ai jơh ală bơta boh lam Môise gen ò rgơi hồ toh.

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 15:11

Ò, bol he dòn lah kơnòm di bơta nđàc Yàng Jesu dê mơ bol he geh dong klàs kung be bol khai sơl.”

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 16:31

Bol khai ho lah: “Dòn tĕ Yàng Jesu gen mê mơ jơh hìu nhă mê rơp geh dong klàs.”

Rôma 10:14

Mơya bol khai òhềt dòn Kơnràñ gen mbe rgơi hòi dan taih? Òhềt kơno đơs bơh Kơnràñ, gen mbe rgơi dòn taih? Dilah ò gơs cau bơto yal gen mbe rgơi kơno taih?

Rôma 10:17

Behơ̆ bơta dòn tus bơh bơta kơno, mơ bơta kơno tus bơh jơnau Bơtau Krist geh bơto yal.

Rôma 4:16

Behơ̆ tàng, bơh bơta dòn mơ jơnau ho pơgon bơh bơta nđàc, geh kơ̆ nền jơh jơi bơtiàn Abraham in, ò di ai mìng jơi bơtiàn ơm hơđơm gơnoar bơta boh lam lơm, mơ kung ai jơi bơtiàn gơs bơta dòn Abraham in sơl, la ồng pàng đah hwềng jơh ală bol he dê,

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 9:16

Gen bơta hơ̆ ò di bơh cau lơi kòñ hala cau lơi jòi jat mơ geh ò, mơya hơ̆ la bơh Yàng Tom Trồ nđàc sơngit.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:22

Mơya Sră Goh neh kòp jơh dunnia la ơm tòm gơnoar tồi glài dê, tồ bơta neh ho pơgon rơp geh ai gòi ală cau dòn in bơh bơta dòn tòm Yàng Jesu Krist.

Ephesô 1:19

mơ git gơnap gơnoar Kơnràñ dê la dờng ngan ò git lơh gơwèt mơ bol he la cau dòn, jat be bơta yal tơlik bơh bơta pràn kơldang mơ gơnoar pràn Kơnràñ dê.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:5

tian gơs tòm tŭ he chơt tòm ală bơta tìs glài he dê, gen Kơnràñ neh lơh bol he in kis bal mơ Bơtau Krist hơ̆ la kơnòm di bơta nđàc mơ oh mi geh dong klàs.

Philip 1:29

Tài bơh Yàng Tom Trồ neh ai bơta nđàc ală oh mi in ò di mìng dòn Kơnràñ lơm ò, mơya kung pal kong jê sồt bơh Kơnràñ sơl;

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,

Hebrơ 6:4

Bơh ò rgơi ngan ală cau neh geh pơnđàng sòl dô dơ̆ rau, neh git làm bơta ai gòi bơh đang trồ, neh gơs pơnah tòm Yàng Hwềng Goh,

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.