Ephesô 2:7 - Sră Goh 2018

⁷ tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 2:7 Mawu Ofanana

Đơs Crih 106:48

Jòng ro Jehôwa la Yàng Tom Trồ Israel dê jơl sùm sùm ò lồi! Mơ jơh làng bol đơs tĕ lah: “Amen!” Jòng ro Yàng Jehôwa!

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Esai 60:15

Bulah mê neh kong sang lòi mơ gơjrañ kơuềng, ò gơs cau lơi lòt gan di mê; Añ rơp lơh mê in geh ryŭ ryơm gam sùm sùm, mơ dô bơta hòn chò bơh rài do tus rài ne in.

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 2:4

Mơya Yàng Tom Trồ la Bơtau gơs bềng lìu bơta kòñ sơngit, bơh bơta kòñ gơboh dờng Kơnràñ dê mơ Kơnràñ neh kòñ gơboh di bol he,

Ephesô 3:21

dan Kơnràñ in geh gơklŏ tòm Hìu Jum Goh mơ tòm Yàng Krist Jesu, tòm jơh ală rài gam sùm sùm ò lồi. Amen.

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

II Tesalônika 1:12

tồ lơh gơklŏ àng sơnđan Yàng Jesu bol he dê tòm oh mi, mơ oh mi tòm Kơnràñ, jat be bơta nđàc Yàng Tom Trồ dê mơ Yàng Jesu Krist bol he dê.

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.