Ephesô 2:6 - Sră Goh 2018

⁶ Yàng Tom Trồ neh lơh bol he in kis wơl bal mơ Yàng Krist Jesu, mơ nggui bal mơ Kơnràñ hơđang trồ,

Ephesô 2:6 Mawu Ofanana

Mathiơ 26:29

Mơya Añ đơs mơ bol mê, bơh do jơl hìng nau Añ ò hùc dà plai ño tai, jơl tus di ngai Añ rơp hùc dà plai ño pa bal mơ bol mê tòm lơgar Bèp Añ jê.

Luka 12:37

Lơngai ală cau dĭ gơna hơ̆ in, dơ̆ cau tòm rê, gŏ bol khai ơm drơng kơp! Di ngan Añ đơs mơ bol mê, cau tòm rơp kơt but he, ai bol khai in nggui, mơ tus duh broă bol khai in.

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 14:3

Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 2:13

Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.