Ephesô 2:3 - Sră Goh 2018

³ Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Ephesô 2:3 Mawu Ofanana

Sơnròp Gơlik Gơs 5:3

Mơ tai, Adam neh tơl dô rhiang pe jơt nam deh dô nă kòn klau be rùp khai dê, sơnđan la Set.

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

Jang 1:13

Cau hơ̆ ò di deh bơh mhàm, ò di bơh nùs kòñ poac să, kung ò di bơh nùs kòñ cau dê, mơya deh bơh Yàng Tom Trồ.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Broă 14:16

Tòm rài lài òr, Kơnràñ lòi jơh ală làng bol in lòt jat gùng is he dê,

Rôma 1:24

Gen tàng Yàng Tom Trồ neh phi bol khai gơtơmut jat nùs hàm kòñ is bol khai dê, tian gơs gơdùh tòm bơta ngkòr ngkàc nàng lơh ƀàssìl să jan bol khai dê mơ cau ndai,

Rôma 11:30

Be oh mi la làng bol bơdìh, lài òr oh mi neh ò dòn bơr Yàng Tom Trồ, mơya tŭ do oh mi geh kòñ nđàc tài bơh bơta ò dòn bơr cau Juda dê,

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 2:14

Làng bol bơdìh la cau ò gơs bơta boh lam, mơya bol khai lơh is ală broă be bơta boh lam sồr, bol khai bulah ò gơs bơta boh lam, kung bơtào is bơta boh lam he in sơl.

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

Rôma 5:9

Tŭ do bol he neh kơnòm di mhàm Kơnràñ nàng geh kòp la song ring, gen sơlo rlau tai bol he rơp kơnòm di Kơnràñ nàng geh dong klàs bơh bơta gơjrañ dờng Yàng Tom Trồ dê.

Rôma 6:12

Behơ̆ bañ lòi tồi glài in at bồ tòm să jan òs chơt oh mi dê, mơ lơh oh mi in jat bơta hàm kòñ is gơ dê,

Rôma 7:18

Bơh añ git bơta niam ò ơm tòm añ, hơ̆ la tòm poac să añ, bơh añ gơs nùs kòñ lơh bơta niam, mơya ò rgơi lơh bơta niam.

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

I Kôrintô 4:7

Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Galati 3:22

Mơya Sră Goh neh kòp jơh dunnia la ơm tòm gơnoar tồi glài dê, tồ bơta neh ho pơgon rơp geh ai gòi ală cau dòn in bơh bơta dòn tòm Yàng Jesu Krist.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Kôlôse 1:21

Ai oh mi, lài òr nùs kơlôi oh mi dê ơm ngài mơ sò tơm mơ Kơnràñ bơh ală broă iơh bơsak.

I Tesalônika 4:13

Ơ oh mi, bol hi ò kòñ oh mi ò git bơh cau neh bic, tồ oh mi in ò moat jrùng be cau ndai ò gơs bơta gơn kơnòm.

I Tesalônika 5:6

Behơ̆, bol he bañ bic be cau ndai, mơya pal drơng kơp mơ ngac mat.

I Timôthe 6:9

Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

I Pier 1:14

Oh mi be kòn sau jak dòn bơr, gen bañ đòm jat ală bơta hàm kòñ is lài òr, la tŭ oh mi gam bơrngơl gơla.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

I Jang 2:16

Bơh jơh ală bơta tòm dunnia, be bơta hàm kòñ is poac să dê, bơta hàm kòñ is mat dê, mơ bơta pơnhừ să rài kis dê, ò di bơh Yàng Bèp mơ tus, mơya bơh dunnia mơ gơlik gơs.

I Jang 2:8

Bulah behơ̆ añ kung cih oh mi in dô bơta sồr lam pa, la bơta song ngan tòm Yàng Jesu Krist mơ tòm oh mi sơl, tài bơh bơta klam jơngo neh roh rau, mơ bơta àng ngan neh sòl pơnđàng.