Ephesô 2:2 - Sră Goh 2018

² la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Ephesô 2:2 Mawu Ofanana

Sră Jop 1:16

Tòm tŭ cau hơ̆ gam đơs, gen dô nă cau ndai tus đơs lah: “Ồs Yàng Tom Trồ dê bơh hơđang trồ chu pơrguc ală belàt bal mơ ală cau duh broă mơ tơnroh jơh, mìng dô nă añ geh klàs nàng yal ồng in.”

Sră Jop 1:19

Gen nisơna gơs càl dờng khồm bơh đah ne ƀlàng bràs, lơh poan mum hìu, mơ hìu gơtơrlơm gơklơn chơt jơh bol khai, mìng dô nă añ geh klàs nàng yal ồng in.”

Sră Jop 1:7

Yàng Jehôwa lùp Satan lah: “Mbơh mê tus taih?” Satan ho Yàng Jehôwa lah: “Añ lòt yơng tòm plai ù, mơ lòt ma kiau làm bă tiah.”

Sră Jop 31:7

Dilah cơnđòa añ jê pơrlac dô đah bơh di gùng, mơ nùs añ lòt jat gar mat añ jê, Hala dilah tê añ gơs tềl ƀơ̆ ƀơl,

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 57:4

Bol mê sền òsơp di ñcau taih? Bol mê hel lơmpiat dơñŏ tơnhial di ñcau taih? Bol mê ò di la jơi bơtiàn cau jak tòmdră, kòn sau ală cau đơs blac ò ơ?

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Sră Ôse 10:9

Ơ Israel, bơh di ală ngai Gibea mê neh tìs glài, mơ tềng hơ̆ bol khai gam pơnjat sùm; ò di bơta kơlìn neh tòmpìt sơmbrơt bol khai tòm Gibea ò ơ?

Lebi 11:16

klàng ngke, iar ềt, klàng bơkào, klàng dàlềng, ală jơi klàng iar,

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Luka 22:31

Yàng đơs lah: “Ơ Simôn, Simôn, do cà Satan kòñ nggum ngkhiang bol mê be kòi mi.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Jang 13:2

Tòm tŭ sào mho, cà ràk neh ơn bơta pơrlơ̆ dră di Kơnràñ tòm nùs Juda Iskariôt, kòn Simôn dê.

Jang 13:27

Tơnơ̆ mơ tŭ Juda neh dòp pet piang lă rau, gen cà Satan mut tòm nùs khai. Behơ̆ Yàng Jesu đơs mơ khai lah: “Bơta mê lơh, lơh tĕ mhar.”

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 16:11

Bơh bơta cahrña, tài bơh bơtau dunnia do neh kong cahrña rau.

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Jang 8:23

Yàng Jesu ho lah: “Bol mê lik bơh hơđơm, ai Añ bơh hơđang. Bol mê lik bơh dunnia do, ai Añ ò di lik bơh dunnia do.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Broă 19:35

Tŭ hơ̆ gơs dô nă cau gơnoar cih ƀòn dờng dê, lơh pơnring mpồl làng bol, mơ đơs lah: “Ơ cau Ephesô, gơs cau lơi ò git Ephesô la ƀòn dờng kơp gàr hìu duh khoai yàng Dian dờng dê mơ rùp yàng hơ̆ dê neh dùh bơh trồ sơl ơ?

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

I Kôrintô 5:10

Tŭ do añ ò đơs bơh cau rài do la cau rềs àr bơrnàn, hala cau hàm hà mơ cau ntung kơñau, hala cau duh rùp ràk; dilah behơ̆ gen oh mi pal lik bơh dunnia.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Ephesô 1:21

jòng rlau jơh ală gơnoar at bồ, gơnoar, gơnoar pràn, bơta at bồ, mơ jơh ală sơnđan, ò di mìng tòm rài do lơm, mơya kung tòm rài rơp tus sơl.

Ephesô 2:11

Behơ̆, kah wơl tĕ lah lài òr jat poac să oh mi la cau làng bol bơdìh, gơtìp cau kong siat gơltau tòm poac să bơh tê cau lơh, bol khai sơnđan oh mi la cau ò kong siat gơltau;

Ephesô 2:13

Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

Ephesô 6:12

Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

Kôlôse 1:21

Ai oh mi, lài òr nùs kơlôi oh mi dê ơm ngài mơ sò tơm mơ Kơnràñ bơh ală broă iơh bơsak.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jakơ 1:7

Cau behơ̆ bañ kơlôi he rơp dòp geh phan lơi bơh di Yàng:

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

I Pier 1:14

Oh mi be kòn sau jak dòn bơr, gen bañ đòm jat ală bơta hàm kòñ is lài òr, la tŭ oh mi gam bơrngơl gơla.

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

I Jang 5:4

Bơh bơta lơi tơnggơs bơh Yàng Tom Trồ gen pha lin rlau mơ dunnia; mơ bơta pha lin rlau mơ dunnia, hơ̆ la bơta dòn bol he dê.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 16:17

Cau gơnrơh dơ̆ poh tuh mơngàn khai dê tòm pah gòi, gen gơs jơnau dờng bơh di sơbàn tòm hìu duh khoai đơs lah: “Sir rau!”

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.