Ephesô 1:8 - Sră Goh 2018

⁸ Mơ Kơnràñ neh tuh lìu làc hơđang bol he, hơ̆ la bơta jak chài mơ bơta àng loh wil tơl.

Ephesô 1:8 Mawu Ofanana

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Jơnau Pơnđik 8:12

Añ, la bơta jak chài ơm bal mơ bơta git kơrhia, Añ geh bơta git wă mơ bơta chài rgơi.

Esai 52:13

Do, cau duh broă Añ rơp la cau pas gơs; Khai rơp geh yò tơngguh, mơ geh jòng ro hơđang rlau jơh.

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Rôma 5:15

Mơya tồi glài ò di be bơta ai gòi bơh đang jòng. Mơ dilah bơh dô nă cau tìs glài mơ gơs oă cau chơt, gen bơta nđàc Yàng Tom Trồ dê, mơ bơta ai gòi tòm bơta nđàc Kơnràñ dê bơh dô nă cau la Yàng Jesu Krist, sơlo geh tơngkah tơngkañ oă cau in.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

Jude 1:25

hơ̆ la Yàng Tom Trồ mìng dùl lơm mơ la Yàng Jesu la Yàng Dong Klàs bol he dê; dan bơta gơklŏ, bơta ryŭ ryơm, gơnoar pràn mơ gơnap gơnoar gơrê bal mơ Kơnràñ bơh ală rài lài, tus di tŭ do, jơl tus sùm sùm. Amen.

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”