Ephesô 1:7 - Sră Goh 2018

⁷ Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 1:7 Mawu Ofanana

Sră Jop 33:24

Nàng yal tơlik bơta nđàc cau hơ̆ in mơ đơs lah: ‘Dong tă tĕ khai klàs bơh di gùng mù hơ bơtô ƀồc; Añ neh jòi bàn dô nơm phan tơwài khai rau.’

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 130:7

Ơ Israel, gơn kơnòm tĕ dê Yàng Jehôwa! Bơh Yàng Jehôwa gơs nùs kòñ gơboh kơ̆ dơn, Mơ gơs bơta dong tơwài tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Daniel 9:19

Ơ Yàng, dan iat! Ơ Yàng, dan toh glài! Ơ Yàng, dan ơn nùs mơ lơh gơs! Ơ Yàng Tom Trồ añ jê, dan bañ lơh òbat tài bơh ƀòn dờng Kơnràñ dê mơ làng bol Kơnràñ dê neh geh tơmoh mơ sơnđan Kơnràñ.”

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Sacari 9:11

Đah mơ ai, tài bơh mhàm bơta ho bal Añ jê mơ ai, Añ rơp hồ toh ală cau ơm jàm ai dê bơh trồm tơrluh ò gơs dà.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Mathiơ 6:12

Dan toh glài bol hi in, be bol hi kung toh cau tìs glài mơ bol hi;

Jơnau Niam Jat Mak 14:24

Yàng Jesu đơs lah: “Do la mhàm Añ, hơ̆ la mhàm bơta ho bal dê, neh tuh oă cau in.

Luka 1:77

Nàng ai làng bol Kơnàñ in git bơta dong klàs bơh bơta geh toh glài bol khai dê.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Jang 20:23

Dilah bol mê toh glài cau lơi, gen glài hơ̆ rơp geh toh; ai dilah bol mê ò toh glài cau lơi, gen glài hơ̆ gam wơl.”

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Rôma 3:24

mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Ephesô 1:14

Yàng Hwềng Goh la phan ai bồ sre brê bol he dê, jơl tus di tŭ Yàng Tom Trồ tơwài wơl làng bol Kơnràñ dê, nàng jòng ro bơta gơklŏ Kơnràñ dê.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Ephesô 1:8

Mơ Kơnràñ neh tuh lìu làc hơđang bol he, hơ̆ la bơta jak chài mơ bơta àng loh wil tơl.

Ephesô 2:4

Mơya Yàng Tom Trồ la Bơtau gơs bềng lìu bơta kòñ sơngit, bơh bơta kòñ gơboh dờng Kơnràñ dê mơ Kơnràñ neh kòñ gơboh di bol he,

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Kôlôse 1:14

Tòm Kòn hơ̆ bol he gơs bơta dong tơwài la bơta toh glài bol he dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:13

Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 3:6

Yàng Tom Trồ neh tuh Yàng Hwềng Goh hơđang bol he dô bă bềng lìu bơh Yàng Jesu Krist la Yàng Dong Klàs bol he dê,

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 4:10

Bơta kòñ gơboh hơ̆ la be do: Ò di la bol he neh kòñ gơboh di Yàng Tom Trồ, mơya Kơnràñ neh kòñ gơboh di bol he, mơ sồr Kòn Kơnràñ dê lòt tus nàng lơh gơs phan ơn tơwài glài tài bơh tồi glài bol he dê.

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,