Ejra 9:2 - Sră Goh 2018

² Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Ejra 9:2 Mawu Ofanana

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

I Ală Bơtau 11:1

Bơtau Salômôn kòñ gơboh oă cau ùr làng bol bơdìh bal mơ kòn ùr Pharaôn dê: Cau ùr Môap, Ammôn, Edôm, Sidôn, mơ Hetit.

Ejra 10:2

Sekania kòn klau Jehiel, kòn sau mpồl Elam dê, đơs mơ Ejra lah: “Bol hi neh tìs glài ò dòn song mơ Yàng Tom Trồ bol hi dê, bơh neh bau mơ ală cau ùr bơdìh bơh di ală làng bol ơm tòm lơgar, mơya bulah behơ̆, tŭ do gơs bơta gơn kơnòm Israel in tòm bơta ò ring nùs bơh bơta do.

Ejra 9:12

Gen tàng, bañ ai ală kòn ùr bol mê dê bau mơ ală kòn klau bol khai dê, hala bañ ai ală kòn klau bol mê dê bau mơ ală kòn ùr bol khai dê. Bañ tŭ lơi jòi jat bơta ring lơngai mơ bơta pas sơm bol khai dê, tồ oh mi in geh pràn kơldang mơ geh sa ală phan niam ù tiah dê, mơ lòi gơ wơl ală kòn sau bol mê in lơh gơs phan jơtài gam sùm sùm.’

Ejra 9:14

Bol hi rơp gơltac sang tai ală bơta sồr lam Kơnràñ dê mơ tòmbau mơ ală làng bol neh lơh jat bơta cù kìr behơ̆ sơl ơ? Kơnràñ rơp ò gơjrañ di bol hi tian gơs tơnroh bol hi, ò lòi dô pơnah làng bol gam wơl hala dô nă cau lơi gam kis ò ơ?

Nehemi 13:17

Tŭ hơ̆ añ lah pơrhơng ală kwang at bồ lơgar Juda dê lah: Ñchi broă iơh bol mê lơh be do, mơ lơh ƀơ̆ ƀơl ngai Saƀat in taih?

Nehemi 13:28

Gơs dô nă tòm ală kòn klau Jôyada dê, sau Eliasip, cau gơnoar lam bồ ơn phan duh khoai, la bơrtơu Sanbalat cau Hôrôn dê. Tài bơh hơ̆ añ neh bơtrơh khai ngài bơh di añ.

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Lik Ejiptơ 22:31

Bol mê rơp la làng bol sàng goh Añ jê. Behơ̆, bañ sa poac phan poan jơng lơi neh gơkòl crè bơh phan brê; sơrbì tĕ so in sa.

Lik Ejiptơ 34:16

Mơ tòm tŭ bol mê sac rwah dô êt nă kòn ùr bol khai dê lơh gơs bau ală kòn klau bol mê in, mơ ală kòn ùr hơ̆ să tòm bol khai tòmtir mơ ală yàng bol khai dê, bol khai lam ală kòn klau bol mê dê lơh jat kung be bol khai.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Lebi 21:15

nàng khai rơp ò lơh ƀơ̆ ƀơl kòn sau khai dê digùl làng bol khai. Añ la Yàng Jehôwa, la Bơtau lơh khai in gơs sàng goh.’”

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Malaci 2:15

Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

II Kôrintô 6:14

Bañ tui yô bal mơ cau ò dòn, bơh bơta song ring mơ bơta iơh bơsak gơs gơtòmsòr bal sơl ơ? Bơta àng mơ bơta jơngo gơs gơtòmklac bal sơl ơ?

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Jôsue 22:15

Tòm tŭ bol khai tus hơ cau Ruben, cau Gat, mơ nggùl jơi bơtiàn cau Manase tòm ù tiah Galaat, gen đơs mơ bol hơ̆ lah:

Jôsue 23:12

Mơya dilah bol mê wèt wơl mơ lơh gơtòmsòr bal mơ ală làng bol do gam kis mơ ơm digùl bol mê, mơ dilah bol mê lap klau tòmbau ùr mơ bol khai mơ lơh gơs dô bă bal mơ bol khai,