Ejra 7:16 - Sră Goh 2018

¹⁶ bal mơ jơh priă màh mơ mê geh bơh tòm kơnhwàl Babilôn, bal mơ ală phan ơn duh khoai jat nùs kòñ làng bol dê, mơ ală cau gơnoar ơn phan duh khoai ơn jat nùs bol khai kòñ ơn hìu Yàng Tom Trồ bol khai in tòm Jerusalem.

Ejra 7:16 Mawu Ofanana

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

I Yal Yau 29:6

Gen ală cau at bồ hìu nhă, ală cau kwang at bồ ală jơi bơtiàn Israel, ală cau kwang at bồ dô rbô nă mơ ală cau kwang at bồ dô rhiang nă, mơ ală cau kwang gơs broă tòm at bồ broă lơh bơtau dê, bol khai jat nùs kòñ bol khai dê ơn phan Yàng in.

I Yal Yau 29:9

Behơ̆ làng bol hòn chò bơh ală cau kwang hơ̆ niam nùs ơn phan bol khai dê, bơh bol khai jơh nùs mơ khat gơboh ơn Yàng Jehôwa in. Bơtau Dabit kung hòn chò dờng ngan.

II Yal Yau 31:14

Kôre kòn klau Imma cau Lebi, la cau kơp gàr Mpồng Dờng đah mattơngai lik, gơs broă tòm sền gàr ală phan jat nùs cau kòñ ơn Yàng Tom Trồ in, tòmpà ală phan neh ơn Yàng Jehôwa in bal mơ ală phan ơn is sàng goh rlau jơh.

II Yal Yau 6:2

Añ neh bơt dô nơm hìu duh khoai geh yò tơngguh Kơnràñ in, dô bă tiah Yàng in ơm gam sùm sùm.”

II Yal Yau 6:5

‘Bơh di ngai Añ neh cèng làng bol Añ jê lik bơh lơgar Ejiptơ, Añ neh ò sac rwah dô nơm ƀòn dờng lơi tòm ală jơi bơtiàn Israel dê nàng bơt dô nơm hìu tồ Sơnđan Añ in ơm tềng hơ̆, mơ Añ kung ò sac cau lơi nàng gơs cau at bồ hơđang làng bol Israel Añ jê.

II Yal Yau 6:6

Mơya Añ neh sac rwah Jerusalem nàng Sơnđan Añ jê rgơi ơm tềng hơ̆, mơ Añ neh sac rwah Dabit nàng at bồ làng bol Israel Añ jê.’

Ejra 1:4

Mơ lòi tĕ jơh làng bol gam wơl tòm tiah lơi bol khai ơm, gen pal dong kòl ai bol khai in priă màh, bơh ală cau ơm bal mơ bol khai, bal mơ ală phan ngui sa mơ ală phan poan jơng, bal mơ ală phan ơn jat nùs bol khai kòñ ơn hìu duh khoai Yàng Tom Trồ in tòm Jerusalem.’”

Ejra 1:6

Jơh ală cau ơm rềp mơ bol khai dong ai bơtơl bol khai in ală phan ngui mơ priă mơ màh, ală phan mơna mơ phan poan jơng, mơ ală phan pà kas màng, bal mơ jơh ală phan ơn jat nùs kòñ.

Đơs Crih 135:21

Bơh Siôn jòng ro tĕ Yàng Jehôwa, La Bơtau ơm tòm Jerusalem! Jòng ro Yàng Jehôwa!

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

II Kôrintô 9:7

Kòp nă ơn tĕ jat nùs he neh lơh nền lài; bañ yoam hala bơh rồn bơklơn, bơh Yàng Tom Trồ kòñ gơboh cau chò nùs pà phan.